News

१७ जेठ, भक्तपुर । सिद्धि गणेश बचत तथा ऋण सहकारी संस्था लि. को शिक्षा उपसमितिको आयोजनामा संस्थाका नव आगन्तुक सदस्यहरुलाई संस्था एवं सहकारीता सम्बन्धी शिक्षा दिने उद्देश्यले अनिवार्य शिक्षा शिविर सिद्धि गणेश तालिम हल, खँचामा सम्पन्न भयो ।
कार्यक्रमका प्रमुख अतिथि एवं संस्थाका अध्यक्ष रुद्र नारायण लाखाले समुदायका समान विचार र आय भएका व्यक्तिहरुबचीको सहकार्य नै सहकारी हो भन्नुहुँदै संस्थाको स्थापनाकालमा सहकारी सम्बन्धी ज्ञान प्रप्त गर्न विभिन्न तालिमहरुमा समावेश भई नीति नियमको पालना गरी सहकारी सञ्चालन गर्नाले सिद्धि गणेश साकोस विगत ३१ वर्ष देखि विना कुनै समस्या निरन्तर समुदाय र सदस्यको हितका लागि कार्य गर्न सफल भएको बताउनुभयो ।
उहाँले सदस्यहरुलाई सहकारी सम्बन्धी चेतना र शिक्षा दिने उद्देश्यले संस्थाबाट शिक्षा शिविर, ऋण अन्तरक्रिया, बचत अन्तरक्रिया लगायत विभिन्न ज्ञानम्ूलक कार्यक्रमहरु सञ्चालन गर्दै आएको जानकारी दिनुहुँदै सहकारी संस्थालाई एक विद्यालयको रुपमा लिन सकिने विचार व्यक्त गर्नुभयो ।
अध्यक्ष लाखाले आफ्नो बचत सुरक्षित गर्न सहकारी संस्थामा सदस्य बन्नु पूर्व संस्था र संस्थाका सञ्चालकहरुबरे जानकार भएर मात्र सदस्य बन्नुपर्नेमा जोडदिनु हुँदै नीति नियम पालना गरी समुदायमा आधारित सहकारी संस्थाहरुमा जोखिम कम हुने उल्लेख गर्नुभयो ।
कार्यक्रममा अध्यक्ष रुद्र नारायण लाखाले संस्थाको अवधारणगत पक्ष एवं सहकारीता सम्बन्धी प्रस्तुती दिनुभएको थियो ।
कार्यक्रमका सभापति संस्थाका सचिव एवं उपसमितिका संयोजक विष्णु प्रसाद दुमरुले सिद्धि गणेश साकोस आफ्ना सदस्यहरु संग आत्मीय सम्बन्ध कायम गर्दै सदस्य एवं समुदायको आर्थिक विकसका लागि निरन्तर कार्यरत रहेको बताउनुभयो ।
उहाँले नीति नियमको पालना गरी समुदायमा आधारित भई संस्था सञ्चालन गर्दा संस्था सञ्चालनको सुरुवाती वर्षहरुमा नै विभिन्न पदकहरुबाट सम्मानित भएको स्मरण गर्नुहुँदै संस्थामा वित्तीय गुणस्तर कायम गर्दा अन्तराष्ट्रिय गुणस्तर मापदण्डको ऐक्सेस ब्रान्दको कास्य पदक समेत प्रप्त गर्न सफल भएको बताउनुभयो । उहाँले सदस्यबाट आवश्यक सम्पूर्ण जानकारी र कागजातहरु लिई मात्र संस्थाको ऋण सुविधा प्रदान गरिने हुँदा संस्था गुणस्तरीय र सुरक्षित बन्न सफल भएको बताउनुभयो ।
उहाँले समस्यामा परेका सहकारी संस्थाले विभिन्न प्रलोभन देखाई सदस्यहरुको बचत अपचलन गर्ने हुँदा ती सहकारी संस्थाबाट सदस्यहरुलाई बच्न सचेत गर्नुभयो । सचिव दुमरुले कार्यक्रममा संस्थाको पृष्ठभुमीबारे सदस्यहरुलाई जानकारी दिनुभएको थियो ।
कार्यक्रमा संस्थाका व्यवस्थापक शिला गोसाईले संस्थामा उपलब्ध सेवा सुविधाहरुबारे चर्चा गर्नुहुँदै सिद्धि गणेश साकोस एक बचत तथा ऋण सहकारी संस्था रहेको जसको मुख्य उद्देश्य संस्थाका सदस्यहरुलाई बचत सेवा तथा ऋण सुविधा प्रदान गर्नु हो भन्नुभयो । उहाँले सदस्यहरुलाई ऋणी, साक्षी र जमानीबारे जानकारी दिनुहुँदै सुरक्षित ऋण लगानीले संस्था आर्थिक रुपमा सफल र सक्षम रहेको बताउनुभयो ।
उहाँले राष्ट्रिय सहकारी नियमन प्राधिकरणले जारी गरेको बचत तथा ऋणको मूख्य कारोबार गर्ने सहकारी संस्थाको संचालन सम्बन्धी नियामकीय मापदण्डका विषयहरुबारे सदस्यहरुलाई जानकारी दिनुभयो । व्यवस्थापक गोसाईले सम्पत्ति शुद्धिकरण निवारणका लागि सहकारी विभागको वृतचित्र निमार्ण कार्यक्रम अन्तरगत सम्पत्ति शुद्धिकरण निवारणका असल अभ्यास गर्ने सहकारी संस्थाहरु मध्ये सिद्धि गणेश साकोस छनोट भई सहकारी विभाग र संस्थाबीच जेठ ८ गते बिहीबार सो विषयमा छलफल भेटघाट सम्पन्न भएको जानकारी दिनुभयो ।
कार्यक्रममा उपसमितिका सचिव किरण बनमाल र सदस्य रामहरी तम्राकरले पनि बोल्नुभएको थियो ।

भक्तपुर । सिद्धि गणेश बचत तथा ऋण सहकारी संस्था लि. ले सदस्यहरुलाई उद्यमी बनाउन प्रेरित गर्दै पन्ध्रदिने आधारभुत फोटोग्राफी तालिम प्रदान गरेको छ । साकोसको युवा उपसमितिको अयोजनामा सञ्चालित १५ दिने तालिम असार ६ गते सम्पन्न भएको हो ।

समाजमा दक्ष जनशक्ति उत्पादन गर्ने उद्देश्यसहित संस्थाले निरन्तर रुपमा सदस्य लक्षित सिपमूलक एवं क्षमता अभिबृद्धि तालिम सञ्चालन गरी सदस्यहरुलाई आर्थिक अवसर प्रदान गर्दै आएको साकोसका अध्यक्ष रुद्र नारायण लाखाले बताउनुभयो ।

कार्यक्रममा उपसमितिका संयोजक एवं संस्थाका उपाध्यक्ष विष्णु राम दुमरुले आधारभुत शिक्षा र सिपको महत्वबारे चर्चा गर्दै संस्थाबाट विद्यार्थीहरुको उज्वल भविष्यको लागि सहि विषय र सिप छनोट सम्बन्धी मार्ग निर्देशन कार्यक्रमहरु सञ्चालन गर्दै आएको जानकारी दिनुभयो । उहाँले अब शिक्षण संस्थाहरुले पनि युवाहरुलाई पढ्न तथा काम गर्न विदेश जाने सल्लाह दिनुभन्दा पनि स्थानीय रुपमा काम गर्न सकिने सम्भावनाहरु देखाएर प्रयोगयात्मक शिक्षा र सिप प्रशिक्षण गरी दक्ष जनशक्ति उत्पादन गर्नुपर्ने आवश्यकता औल्याउँनुभयो ।

उहाँले अनियमितता र भ्रष्टचार नै देश समस्यामा पर्नुको मुख्य जरा हो भन्नुहुँदै हामी जस्ता कृषि प्रधान राष्ट्रमा कृषिको प्रवद्र्धन र युुवाहरुलाई उत्पादनमूलक तालिमको व्यवस्था गरी वैदेशिक रोजगारीका लागि बाहिरिने युवाहरुलाई स्वदेश मै उत्पादनशिल क्षेत्रमा सदुपयोग गरे मात्र देशको उत्पादन शक्तिमा बृद्धि भई राष्ट्रको दिगो विकास हुने बताउनुभयो ।

कार्यक्रममा तालिमका प्रशिक्षक शरद् राईले दुई सय वर्ष अगाडी देखि नै फोटोग्राफीको विकासक्रम सुरु भएको उल्लेख गर्नुहुँदै फोटोग्राफी क्षेत्रमा एआई जस्ता आधुनिक विज्ञानको विकासले सकारात्मक सँगै नकारात्मक विषयहरु भित्र्एको र त्यस प्रति सजग भएर काम गर्नुपर्ने बताउनुभयो ।

उहाँले छिमेकी राष्ट्र भारत र चीनको उदहरण दिँदै आधारभुत शिक्षालाई बलियो बनाए मात्र देशमा दक्ष जनशक्तिको उत्पादन हुने बताउनुभयो । उहाँले नेपालमा सिपमूलक एवं प्रयोगयात्मक शिक्षाको आवश्यकता रहेको औल्याउँदै दक्ष जनशक्तिले समाजलाई सफल र असल बनाउने विचार व्यक्त गर्नुभयो । सिद्धि गणेश साकोस भक्तपुर फोटोग्राफी सुरु गर्ने प्रारम्भिक संस्था रहेको जानकारी दिँदै प्रशिक्षक राईले भन्नुभयो, ‘सिद्धि गणेशबाट फोटोग्राफी तालिम लिएका प्रशिक्षार्थीहरुले फोटोग्राफीलाई व्यवसाय बनाएर आय आर्जनको राम्रो स्राते निर्माण गरेका छन् ।’

कार्यक्रममा उपसमितिका सचिव जसतारा कोजु, व्यवस्थापक शिला गोसाई र तालिमका प्रशिक्षार्थी तेजस्वी मानन्धरले पनि आफ्ना विचारहरु प्रस्तुत गर्नुभएको थियो ।

२७ चैत्र, भक्तपुर । यस सिद्धि गणेश बचत तथा ऋण सहकारी संस्था लि.को सञ्चालक समितिको आयोजनामा नेपाल मजदुर किसान पार्टीका केन्द्रिय सदस्य एवं भक्तपुर नगरपालिकाका प्रमुख सुनिल प्रजापतिको प्रमुख आतिथ्यतामा नव वर्ष २०८२ साल र बिस्काः जात्राको शुभकामना आदान प्रदान कार्यक्रम सिद्धि गणेश तालिम हल, ख“चामा सम्पन्न भयो ।
कार्यक्रमका प्रमुख अतिथि भक्तपुर नगरपालिकाका प्रमुख सुनिल प्रजापतिले नगरपालिकाले कुनै पनि निर्णय गर्न सम्बन्धित क्षेत्रका व्यक्तिहरुको सल्लाह सुझाव अनुसार मात्र हुने बताउँदै सहकारीकर्मीहरुको सुझाव अनुसार कार्य गर्दा नगर भित्रका सहकारी संस्थाहरु समस्यामा नपरेको भन्नुभयो । उहाँले सहकारी संस्थाहरुले उत्पादनशिल क्षेत्रमा लगानी नगरी जग्गामा लगानी गर्नाले सहकारी संस्था समस्यामा पर्ने विचार राख्नुहुँदै आर्थिक अपचलन हुने सहकारीले सदस्यहरुको विस्वास जित्न स्थानियहरुलाई प्रयोग गरी बचत संकलन गर्ने गरेको बताउनुभयो । ‘नियमन निकायको अनुगमनकोे कमिको कारणले गर्दा हाल धेरै सहकारी संस्था समस्यामा परेको छ’ , उहाँले भन्नुभयो । उहाँले सहकारी संस्थाबाट ऋण प्रदान गर्न राम्ररी धितो निरिक्षण गरेर मात्र प्रदान गरे संस्थामा समस्यमा पर्नबाट जोगीने भन्नुभयो ।
प्रमुख प्रजापतिले भक्तपुर नगरपालिकाका जनताहरुको स्वास्थ्यको लागि नगरपालिकाबाट सञ्चालन गर्दै आएको ख्वप अस्पतालमा निरन्तर स्वास्थ्य सेवाहरु थप र बिकास गर्दै आएको बताउँदै सहकारी संस्थाहरुले पनि समाजलाई हित हुने कार्य गर्न नगरपालिकाबीच समन्वय र मद्त गर्नुपर्नेमा जोड दिनुभयो । उहाँले समाज र सदस्यहरुको विकास गर्न नव वर्षमा शुभकामना मात्र नभई नव वर्षको लागि नयाँ कार्य योजना तयार गरी सेवा प्रदान गर्न बताउनुभयो ।
उहाँले भक्तपुर नगरपालिकामा भएको शैक्षिक परिवर्तनको कारणले गर्दा नगरका हरेक परवारमा आर्थिक परिवर्तनको आभास भएको जसमा सहकारी क्षेत्रको पनि भुमिका रहेको बताउनुभयो । उहाँले कानुन सम्बन्धी ज्ञान नहुँदा समस्या पर्ने भन्नुहुँदै हरेक क्षेत्रमा कानुन सम्बन्धी ज्ञानको आवश्यकता रहने बताउनुभयो ।
उहाँले संस्था जति सफल हुन्छ त्यतीनै संस्थामा चुनौटी र कमजोरीहरु बढेदै जानेहुँदा अग्रजहरुको सल्लाह सुझाव लिई पूर्व योजना बनाई अधि बढेनुपर्नेमा बताउनुभयो ।

कार्यक्रममा संस्थाका अध्यक्ष रुद्र नारायण लाखाले ३१ जन युवाहरुबाट सुरु भएको संस्थाले हाल २१ ह्जार भन्दा बढि सदस्यहरुलाई सेवा प्रदान गर्दै आएको बताउनुभयो । उहाँले यस संस्था सामाजिक विकस गर्ने उद्देश्यका साथ स्थापना भएको स्मरण गर्नुहुँदै संस्थामा आर्थिका पारदर्शीता र सञ्चालकहरुमा इमान्दारीता कायमा गर्नाले संस्था अन्तराष्ट्रिय पदकबाट समेत सम्मानित भएको बताउनुभयो । उहाँले समाजिक सेवा गर्न विगतमा कृषकहरुलाई मल वितरण र स्वस्थ्य सेवा प्रदान गर्न स्वास्थ्य क्लिनिक सञ्चालन गर्दै आएको बताउनुभयो ।
कार्यक्रममा संस्थाका उपाध्यक्ष विष्णु राम दुमरुले हाल सहकारीहरुको लागि जारी भएको निदेर्शनमा सहकारी संस्थालाई कम्पनि भनिएको जसको अर्थ सहकारी संस्थाको शेयर पनि अरु कम्पनिहरुको जस्तै किन बेच हुने हो की जसले सहकारीको अस्तित्व माथि नै प्रश्न उठेको बताउनुभयो ।
उहाँले सहकारी संस्था आर्थिका कारोवारमा मात्र सिमित रहेको देखाएर राष्ट्र बैंकबाट नियन्त्रण गरी समुदायमा आधारित सहकारी संस्थाको अस्तित्व मिताउने प्रयास भई रहेको बताउनुभयो । त्यसै करणले हल जारी निदेर्शनको गहन छलफल गरी योजना बनाई अधि बढ्नु आवश्यकतामा जोड दिनुभयो ।
कार्यक्रममा संस्थाका सचिव विष्णु प्रसाद दुमरुले संस्था विगत्त ३१ वर्ष देखि सदस्यहरु एवं सामुदायको सेवाका लागि निरन्तर लागि रहेको बताउनुुभयो । उहाँले संस्थामा आर्थिक वर्ष २०८१।०८२ मा सम्पन्न भएका विभिन्न तालिम तथा कार्यक्रमहरुबारे जानकारी दिनुहुँदै ३१०० रुपैँयाबाट सुरुभएको यस संस्थाको हाल ३ अर्ब १५ करोड सम्पत्ति रहेको बताउनुभयो ।
कार्यक्रममा संस्थाका पूर्व अध्यक्ष कृष्ण गोबिन्द लाखाजुले धेरै सहकारीहरु समस्यामा परेको अवस्थामा पनि सिद्धि गणेश साकोसले समुदायमा आधारित भई उद्धारणिय कार्य गर्दै आएको बताउनुभयो । उहाँले हाल सहकारी सम्बन्धी जारी अध्यादेशले समुदायमा आधारित सहकारी संस्था सञ्चालनमा समेत असर परेको बताउनुभयो ।
उहाँले भक्तपुरको ऐतिहासिक बिस्का जात्रामा स्थानिय भन्दा अन्य बाहिरका व्यक्तिहरुले वीकृति फैलाईरहेको भन्नुहुँदै बिस्का जात्रा संयमित तवरले मनाउन स्थानिय आफैले व्यवस्था मिलाउनु पर्ने बताउनुभयो ।
कार्यक्रममा संस्थाका पूर्व अध्यक्ष हरिरत्न गोर्खालीले सदस्यहरुमा बचत गर्ने बानी बिकास गर्ने उद्देश्यले संस्था स्थापना भएको भन्नुहुँदै सहकारी संस्था सफल बन्न पारदर्शी बन्नुपर्ने बताउनुभयो । उहाँले सहकारी संस्थाका सञ्चालक सदस्यहरुको आर्थिक अपचलनको साथ साथै माथिल्लो निकायका संधहरुको कमीकमजोरीको कारणले हाल बजारमा सहकारी संस्था समस्यामा परेको विचार व्यक्त गर्नुभयो । उहाँले सहकारीमा रहेको संरक्षित पूँजी कोष सामाजिक बिकासको लागि उपयोग गर्नुपर्ने भन्नुहुँदै माथिल्लो निकायमा देखा परेका कमी कमजोरी सुधार गरे मात्र सहकारी क्षेत्र सुधार हुने बताउनुभयो ।
कार्यक्रममा संस्थाका निवर्तमान अध्यक्ष एवं सञ्चालक सदस्य राजन लाखाजुले बजारमा हाल सहकारीलाई सकारात्मक भन्दा नकारात्मक रुपमा लिई रहेको अवस्थामा यस संस्था नेमकिपाको सैद्धान्तिक मुल्य मान्यतामा आधारित भई संस्था सामुदायिक सहकारीको रुपमा अधि बढि रहेको बताउनुभयो ।
कार्यक्रममा संस्थाका लेखा सुपरिवेक्षण समितिका संयोजक राम प्रसाद दुमरुले देशमा भएका आर्थिक उतावचदावको बखतमा पनि सदस्यहरुलाई कुनै समस्या नपर्ने गरी सर्वोत्कृष्ट वीत्तिय समाधान प्रदान गर्दै आएको बताउँदै उपस्थित सम्पूर्णमा बिस्का जात्रा र नव वर्षको शुभकामना व्यक्त गर्नुभयो ।
कार्यक्रममा संस्थाका व्यवस्थापक शिला गोसाईले पनि बोल्नुभएको थियो ।

१६ चैत्र, भक्तपुर । सिद्धि गणेश बचत तथा ऋण सहकारी संस्था लि. का कर्मचारीहरुको क्षमता अभिबृद्धि गर्ने उद्देश्यका साथ नक्कली नोट र नक्कली दस्तखत पहिचान सम्बन्धी तालिम सिद्धि गणेश तालिम हल, खचाँमा सम्पन्न भयो ।
कार्यक्रममा संस्थाका अध्यक्ष रुद्र नारायण लाखाले ३१ जना युवाहरुको ३१०० रुपैँयाबाट सुरु भएको यस संस्था हाल २१ हजार शेयर सदस्य, ज्येष्ठ सदस्य तथा बाल बचतकर्ताहरुको परिवार बन्न सफल भएको बताउनुभयोे साथै संस्थाको हाल ३ अर्ब १५ करोडको कूल सम्पति रहेको जानकारी दिनुभयो । उहाँले संस्था स्थापनाकाल देखि नै समुदायमा आधारित भई नीति नियमको पालना गरी सञ्चालन हुँदै आएको कारण विभिन्न पुरस्कारबाट पुरस्कृत भएको स्मरण गर्नुभयो ।
उहाँले संस्थाबाट सदस्यहरुको आर्थिक क्षमता अभिबृद्धि गर्ने उद्देश्यले विभिन्न सिपमुलक तथा क्षमता अभिबृद्धि तालिम सञ्चालन गर्दै आउनुका साथै सदस्यहरुको स्वास्थ्यका निम्ति विभिन्न स्वास्थ्य सेवा सहित सिद्धि गणेश स्वास्थ्य क्लिनिक सञ्चालन गर्दै आएको जानकारी दिनुभयो ।
उहाँले संस्थाका कर्मचारीहरु बढि मुद्राकै कार्य गर्ने भएकोले शंखास्पद नोट र नक्कली दस्तखत पहिचान तालिमले कर्मचारीलाई मात्र नभई संस्थालाई पनि हित हुने विचार व्यक्त गर्नुभयो । अध्यक्ष लाखाले कार्यक्रममा तालिमका प्रशिक्षक र सहजकर्तालाई मायाको चिनो प्रदान गर्नुका साथै सहभागी प्रशिक्षार्थीहरुलाई प्रमाण–पत्र पनि वितरण गर्नुभएका थिए ।
कार्यक्रममा तालिमका प्रशिक्षक श्याम प्रसाद खतिवडाले सिद्धि गणेश साकोस जस्ता समुदायमा आधारित सहकारी संस्थाले समुदायको विकासका साथ साथै राष्ट्रको आर्थिक अवस्या सुदृधिकरण गर्न समेत टेवा पु¥याई रहेको बताउनुभयो । मुद्रा संग सम्बन्धित कार्य जोखिमपूर्ण हुने हुनाले शंखास्पद नोट पहिचान तालिमले सो जोखिम कम गर्नेछ, उहाँले भन्नुभयो । उहाँले तालिममा शंखास्पद नोटको पहिचान गर्ने विभिन्न तरिकाहरु सहभागीहरु माझ स्पष्ट पार्नुभएको थियो ।
कार्यक्रमका सहजकर्ता राम काजी खाईजुले आफु पनि सिद्धि गणेश साकोसका सदस्य रहेको भन्नुहुँदै संस्थाबाट कर्मचारीहरुको साथ साथै सदस्यहरुको पनि क्षमता अभिबृद्धि गर्ने तालिम नियमित सञ्चालन हुँर्दै आएको बताउनुभयो । उहाँले कर्मचारीहरुले आफ्नो क्षमता अभिबृद्धि गर्न आफुले पाएको जिम्मेवारीको कार्य सम्पादनका लागि आवश्यक ज्ञानको आफै खोजी गर्नुपर्नेमा जोड दिनुभयो ।
कार्यक्रममा संस्थाका व्यवस्थापक शिला गोसाई र कार्यक्रम तथा प्रवद्र्धन अधिकृत बिमल लवजुले पनि बोल्नुभएको थियो ।

१६ चैत्र, भक्तपुर । सिद्धि गणेश बचत तथा ऋण सहकारी संस्था लि. को शिक्षा उपसमितिको आयोजनामा अनिवार्य शिक्षा शिविर सिद्धि गणेश तालिम हल, खचाँमा सम्पन्न भयो ।
कार्यक्रममा संस्थाका अध्यक्ष रुद्र नारायण लाखाले कार्यक्रममा उपस्थित सदस्यहरुलाई सहकारी सिद्धान्तबारे जानकारी दिनुहुँदै सिद्धान्तको पालना गरी अघि बढेका सहकारी संस्था समस्यामा नपर्ने बताउनुभयोे । उहाँले संस्थाबाट सदस्यहरुको सेवाको लागि बचत तथा ऋण कारोवार मात्र नभई स्वास्थ्य शिविर, सिपमुलक तालिम एवं रोजगारीमुलक तालिमहरु सञ्चालन गर्दै आएको जानकारी दिनुभयो ।
अध्यक्ष लाखाले सदस्यहरुको बचत प्रयोग गरी भौतिक सम्पति बढाउने सहकारी संस्था समस्यामा पर्ने बताउँदै संस्थाको जगेडाकोष बलियो भए मात्र संस्था दिगो हुने विचार व्यक्त गर्नुभयो । उहाँले संस्थाका सदस्यहरुलाई सहकारी सम्बन्धी सुसूचित गर्ने हेतुले स्थापनाकाल देखिनै नियमिति शिक्षा शिविर आयोजना गर्दै आएको बताउनुभयो ।
उहाँले सिद्धि गणेश साकोस स्थापनाकाल देखिनै विभिन्न निकाय, संघ संस्थाबीच समन्वय गरी अघि बढेको कारणले सफल बनेको भन्नुहुँदै संस्थाको थप विकासका लागि सदस्यहरु साधारण सभामा उपस्थित भई समुदायलाई हित हुने सुझावहरु दिनुपर्नेमा जोड दिनुभयो ।
कार्यक्रमका सभापति संस्थाका सचिव एवं उपसमितिका संयोजक विष्णु प्रसाद दुमरुले संस्थाको पृष्ठभुमिको जानकारी दिनुहुँदै संस्थाले आफ्नो कार्यक्षेत्रका नागरिकलाई मात्र सदस्यता प्रदान गरी आर्थिक कारोवार गर्नुपर्नेमा जोड दिनुभयो । उहाँले विगतमा साहुमार्जन संग लिएको ऋणको साँवा व्याज एकमुष्ट तिर्नुपर्दा निम्न आय भएका किसानलाई समस्या परेको हुनाले स्थापनाकाल देखि नै संस्थाले किस्ताबन्दी ऋण प्रदान गरी रोजगारी तथा आर्थिक अवसरहरु श्रृजना गर्दै आएको बताउनुभयो । उहाँले संस्थाका सदस्यहरुलाई ब्याजको प्रलोभनमा परी आफ्नो बचत रकम समेत फसेको उद्धारण दिनुहुँदै ब्याजको प्रलोभनमा नपर्न र आफु कारोवार गर्ने सहकारी सम्बन्धी जानकारी लिन सचेत गर्नुभयो ।
कार्यक्रममा संस्थाका व्यवस्थापक शिला गोसाईले विभिन्न उद्देश्य अनुसारका विभिन्न सहकारी हुने जानकारी दिनुहँुदै सिद्धि गणेश एक बचत तथा ऋण सहकारी संस्था रहेको जसको मुख्य उद्देश्य सदस्यहरुको बचत संकलन गरी सदस्यहरुलाई ऋण प्रदान गर्नु हो भन्नुभयो । उहाँले बाल बचतकर्ता र शेयर सदस्य बीचको भिन्नता सम्बन्धी जानकारी दिनुहुँदै बाल बचतकर्ता संस्थाका बचतकर्ता मात्र रहेको र शेयर सदस्यका अधिकार उनीहरुमा नरहने बताउनुभयो । उहाँले सदस्यहको उद्देश्य अनुसार ऋण लगानी गर्दै आएको हुनाले संस्था दिगो र सुरक्षित रहेको बताउनुभयो ।
कार्यक्रममा शिक्षा उपसमितिका सचिव किरण बनमाला र सदस्य रामहरी ताम्राकारले पनि बोल्नुभएको थियो ।

भक्तपुर, ९ चैत । सिद्धि गणेश बचत तथा ऋण सहकारी संस्था लि.ले यस चैतसम्ममा ७० वर्ष पुगेका ज्येष्ठ नागरिकहरूलाई एक विशेष समारोहबिच शनिबार सम्मान कार्यक्रमको आयोजना गर्‍यो।
२०७० सालदेखि गर्दै आएको यो ज्येष्ठ सम्मान कार्यक्रम ११ औं पटकको हो । हालसम्म संस्थाले ९ सय ६७ जनालाई सम्मान गरिसकेको छ । उक्त कार्यक्रममा नेपाल मजदुर किसान पार्टीका अध्यक्ष एवम् वरिष्ठ राजनीतिज्ञ नारायणमान बिजुक्छें (रोहित) ले ज्येष्ठ नागरिकहरूको स्वस्थ्य र दीर्घायु जीवनको लागि जहिल्यै क्रियाशील भइरहनुपर्नेमा जोड दिनुभयो । उमरे गएसँगै विगतमा झैं काम गर्न नसक्ने स्मरण शक्ति कम हुँदै जाने हुँदा आ–आफ्ना पुराना अनुभव, सस्ंकार, संस्कृति नयाँ पुस्तामाझ हस्तान्तरण गर्नुपर्ने आवश्यकता औल्याउँदै उहाँले संस्थालाई भरपर्दाे, दिगो बनाउन र जनताको आवश्यकता पूरा गर्न बरोबर बैठक गरिरहनुपर्ने बताउनुभयो । “चीनमा छिटो विकास हुनुको एउटा कारण देश र जनताको आवश्यकताबारे बरोबर बैठक हुन्थ्यो विज्ञ या अनुभवीहरूबिच विचार आदानप्रदान हुन्थ्यो विचार आदानप्रदान हुँदा एउटा गतिलो निचोड निस्केको हुन्थ्यो”, उहाँले भन्नुभयो । स्थानीय तह स्वायत्त हनु पुर्नेकुरा स्पष्ट पार्दै उहाँले जनताको भावना, संस्कार, संस्कृति र समस्या बुझ्ने स्थानीय व्यक्ति नै स्थानीय तहको प्रमुख प्रशासकीय अधिकृत हुनुपर्ने उल्लेख गर्नुभयो । विभिन्न जनजातिहरूको आगमनबारे उल्लखे गर्दै अध्यक्ष रोहितले बाह्य प्रभावकै कारण नेवार जनजातिको नाउँमा अधिकांश संस्कृत शब्द प्रयोग भइरहेको दृष्टान्तसहित बताउनुभयो । पूर्वजहरूले थालेका संस्कार, संस्कृति र भनाइ विज्ञानसम्मत भएको स्पष्ट पार्दै उहाँले आफ्नै भुमिमा उत्पादित वस्तुको सेवन नगरी बाह्य मुलुकबाट सामान पय्र ागे गरिरहको हुदाँ स्वदेशी रकम विदेसिरहेकोमा चिन्ता व्यक्त गर्नुभयो । सरकारी नीति तलमाथि पर्ने बित्तिकै राम्ररी सञ्चालन भएका समुदायमा आधारित सहकारी संस्थाहरूको स्थिति नै परिवर्तन हुनेतर्फ चनाखो हुन आगह्र गर्दै उहाँले कृषि सहकारीले किसान संगठन गरेर सङ्घर्ष गर्ला भनेरै सरकारले कृषि सहकारी संस्थालाई प्राथमिकता नदिएको बताउनुभयो । ज्येष्ठ नागरिकहरूप्रति गर्नुपर्ने हरे विचार कम हुँदै गएकाले चीनमा ज्येष्ठ नागरिकहरूलाई हेर्नैपर्ने नयाँ कानुन ल्याएर नयाँ पुस्तालाई कर्तव्यबोध गराएको उल्लेख गर्दै उहाँले भन्नुभयो, “घरमा कोही नभएकाको निम्ति आदर निकेतन आवश्यक छ । परिवार भए सन्तानले घरमै हेरविचार गर्नुपर्छ । ज्येष्ठ नागरिकहरू एक्लै बस्नु हुँदैन । समदुायभित्र रहेर कुराकानी गरिरहनुपर्छ ज्येष्ठ नागरिकका अनुभव, कला र सीप नयाँ पुस्तामा हस्तान्तरण गर्नुपछर्, उनीहरूसँग पैसाले लिन नपाउने ज्ञान हुन्छ । चुप लागेर बसे स्मरण शक्ति घट्नेछ ।” पठित महिला र अपठित महिलाबिच ज्ञानमा धेरै भेद हुने उल्लेख गर्दै उहाँले पुरानो पुस्ताले नयाँ पुस्तालाई अर्ती, उपदेश दिएर सत्मार्गमा ल्याएर जोगाउनुपर्छ भन्नुभयो । चुरोट, रक्सी सेवन र खानपिनमा नियन्त्रण गर्नुपर्नेमा जाडे दिँदै उहाँले आफ्नै बारीमा उत्पादित कति तरकारी रोग निको पार्ने औषधिको रूपमा प्रयोग भएको स्मरण गराउनुभयो ।

ख्वप अस्पतालका डाक्टर रत्नसुन्दर लासिवाले सहकारी संस्थाको दायित्व सम्झेरै संस्थाले स्वास्थ्य शिविर र ज्येष्ठ सम्मान कार्यक्रम गरिरहेको चर्चा गर्दै ज्येष्ठ नागरिकसँग रहको कला, सीप, ज्ञान र अनुभव नयाँ पुस्तामाझ पुर्‍याएर सुसूचित गर्नुपर्ने आवश्यकता औल्याउनुभयो । समाजमा नसर्ने रोग उच्च रक्तचाप, चिनी, दीर्घ दमखोकी तलु नात्मक रूपले बढिरहेको स्पष्ट पार्दै उहाँले क्यान्सरबाट बच्न चुरोट सेवन छोड्नुपर्ने बताउनुभयो । स्वास्थ्योपचारमा बढी खर्च भएको कारण पढाइ र खानपिनमा समस्या भएको उल्लखे गर्दै उहाँले स्वास्थ्य बीमा गर्नुपर्नेमा जोड दिनुभयो ।

संस्थाका अध्यक्ष एवं कार्यक्रमका सभापति रुद्रनारायण लाखाले राजनीति प्ररेणाबाटै समुदायको हितमा सहकारी संस्था स्थापना गरेको बताउनुभयो ।

संस्थाका उपाध्यक्ष विष्णुराम दुमरुले देशको राजनीतिक अवस्था बिग्रिएकोमा चिन्ता व्यक्त गर्दै दशे र जनताप्रति समर्पित भएर असल राजनीति गर्ने दलका कार्यकताले चलाएको सहकारी संस्था व्यवस्थित र नियमित चलिरहेको र अरुको सहकारी संस्थाका सञ्चालकहरू पैसा खाएर बेपत्ता भएको बताउनुभयो ।

कार्यक्रममा संस्थाका कोषाध्यक्ष जयराम गोर्खालीले आ–आफ्नो पुस्तावारीलाई लिपिबद्ध गर्नुपर्ने र समाजमा मिलेर बस्नुपर्ने आवश्यकता औंल्याउनुभयो ।

संस्थाका सचिव विष्णुप्रसाद दुमरुले कार्यक्रमको आवश्यकताबारे प्रकाश पार्नुभयो भने व्यवस्थापक शिला गोसाईले सहकारी संस्था बैंक र फाइनान्सभन्दा फरक रहेको समुदायमा आधारित संस्था हो भन्नुभयो ।

८० जना ज्येष्ठ नागरिकलाई आमन्त्रण गरिएको उक्त ज्येष्ठ सम्मान कार्यक्रममा उपस्थित ६८ जनालाई सम्मान गरिएको थियो । सो अवसरमा ज्येष्ठ नागरिकहरूलाई अतिथि नारायणमान बिजुक्छें (रोहित) ले दोसल्ला ओढाइ सम्मान गर्नुभएको थियो । यसअघि ज्येष्ठ नागरिकहरूको स्वास्थ्य परीक्षण गरिएको थियो । स्वास्थ्य परीक्षणमा निःशुल्क औषधि वितरण गर्ने संस्थालाई कदरपत्र प्रदान गरिएको थियो ।

२ फागुन, भक्तपुर । यस सिद्धि गणेश बचत तथा ऋण सहकारी संस्था लि. कोे लघुवित्त तथा बचत समुह परिचालन उपसमितिको आयोजनामा जडिबुटीको सहि उपयोग सम्बन्धी अभिमुखिकरण कार्यक्रम सिद्धि गणेश तालिम हल, खँचा सम्पन्न भयो ।
कर्यक्रममा संस्थाका अध्यक्ष रुद्र नारायण लाखाले यस संस्था बचत तथा ऋण सहकारी संस्था भएता पनि निरन्तर समाजिक क्रियाकलापमा संल्गन रहेको उल्लेख गर्नुहुँदै ३१ जनाबाट सुरु भएको संस्था हाल सदस्यहरुको विश्वासले २१ हजारको शेयर सदस्य, बाल बचतकर्ता र ज्येष्ठ सदस्यहरुको परिवार बनेको बताउनुभयो । उहाँले शरिरको आवश्यकता अनुसार सहि मात्रामा खाना सेवन गरे शरिर स्वस्थ हुने भन्नुहँदै हाल मानिसहरुमा परिश्रम र व्यायमको कमीको कारण विभिन्न रोगहरु निम्ती रहेको बताउनुभयो ।
कार्यक्रमका सहजकार्ता डा. सरिता श्रेष्ठले विगतमा नेपालबाट निर्यत हुने बस्तुहरु उत्पादनका कमीले र आफू संग भएको श्रोतको पहिचान गर्न नसेको कारणले आज अति आवश्यक वस्तुहरु समेत विदेशबाट आयत गर्नुपर्ने अवस्था रहेको बताउनुभयो । उहाँले हाम्रा परम्परागत खानेकुराहरुले आर्युवेदको कार्य गर्ने जानकारी दिनुहँदै नियमित व्यायम गरी आफ्नो शरिरको आफै ख्याल राख्नुपर्ने सुझाव दिनुभयो । उहाँले हामी माझ रहेको परमपरागत खानेकुरा र संस्कृतिलाई बौधिक सम्पतिको रुपमा लई ती सम्पतिहरुलाई व्यवसायिक स्वरुप दिनुपर्नेमा जोड दिनुभयो ।
उहाँले विदेशी परम्परा र संस्कृतिको अतिक्रमणले नेपालको मौलिक परम्परा र संस्कृति हरउँदै गएको प्रति चन्ता व्यक्त गर्नुहुँदै हाम्रो राम्रा जीवनशैली वैदेशिक जीवनशैलीमा परिवर्तन हुँनाले विभिन्न मानसिक रोगहरु बढ्दै गएको हो भन्नुभयो ।
उहाँले सन्तुलित आहारले मानिसलाई स्वस्थ्य बनाई राख्छ भन्नुहुँदै नेवार समुदायमा समायानुकुल खाना खान विभिन्न चाड आई रहने जसले नेवार समुदायमा सन्तुलित आहारको उपयोग भई रहने बताउनुभयो ।
कार्यक्रमका सहजकर्ता पूर्णभक्त दुवालले आदिबासी र जनजातीहरुको मात्र परम्परागत खाने कुरा हुने बताउँदै खानपान र आर्युवेदले मनोवैज्ञानी उपचार हुने भन्नुभयो । उहाँले परम्परागत स्वास्थ्य सेवाको ज्ञान र सीपको अध्ययन र अनुसन्धान नभएको कारण परम्परागत आर्युवेदिक स्वास्थ्य सेवाको अवस्था नाजुक रहेको बताउनुभयो ।
उहाँले जनमानसमा आर्युवेदिक औषधीको म्याद नसकिने र जती औषधी पुरानो भयो उती बढि काम गर्ने विचार रहेको जनु एकदमै गलत रहेको बताउँदै म्याद नागेका आर्युवेदिक औषधीको कारणले स्वास्थ्यमा अनुकूल असर गर्ने जानकारी दिनुभयो ।
कार्यक्रमका सभापति एवं संस्थाका सञ्चालक सदस्य रत्नश्वरी चवालले संस्थाबाट सदस्यहरुलाई सुसूचित गर्न विभिन्न सन्देशमूलक कार्यक्रमहरुको आयोजना गर्नुका साथै सदस्यहरुलाई आत्मनिर्भर बनाउन विभिन्न सीपमूलक तथा रोजगारीमूलक कार्यक्रम गदै आएको बताउनुभयो ।
कार्यक्रममा संस्थाका चन्द्र प्रसाद दुमरुले कार्यक्रमा उपस्थित सम्पूर्णलाई स्वागत गर्नुहुँदै खानपानमा सन्तुलन मिलाए शरिर स्वस्थ हुन्छ त्यसरीनै संस्थामा वित्तीय अनुसानसमा रहि बचत र ऋणमा सन्तुलन बनाए संस्था स्वस्थ रहने बताउनुभयो । कार्यक्रममा उपसमितिका सचिव केशव बोहजुले पनि बोल्नुभएको थियो ।

२३ माघ, भक्तपुर ।
सिद्धि गणेश बचत तथा ऋण सहकारी संस्था लि. को आ.व. २०८१/०८२ को अर्ध–वार्षिक प्रगति समिक्षा बैठक संस्थाको समिति र कर्मचारीहरुको सहभागीतामा चाँथुली भक्तपुरमा सम्पन्न भयो ।
कार्यक्रममा संस्थाका अध्यक्ष एवं सभापति रुद्र नारायण लाखाले लक्ष्य र वर्तमान प्राप्ति बीचको अन्तर केलाएर लक्ष्य प्राप्तिका लागि रणनीति बनाउन समिक्षा कार्यक्रम गर्ने समिक्षा कार्यक्रमको आयोजना गरिएको बताउनुभयो । उहाँले सदस्यहरुको आर्थिक विकास गर्न संस्थाले अध्ययन गरी सहकारी पसल सञ्चालन गरे सदस्यहरुको व्यवसाय प्रवद्धन हुने बताउनुभयो । उहाँले संस्थामा ऋण लगानी कम भएको अवस्थामा समयानुसार संस्थाको ऋण नीति परिमार्जन गर्दै जानुपर्नेमा जोड दिनुभयो ।
कार्यक्रममा संस्थाका उपाध्यक्ष विष्णुराम दुमरुले संस्थाले ऋण लगानी बृद्धि गर्न स–सना किस्ताबन्दी ऋणलाई प्राथमिकता दिनुपर्ने भन्नुहुँदै संस्थाले ऋण लगानीको साथै ऋण असुलीमा पनि ध्यान दिनुपर्ने बताउनुभयो । उहाँले सदस्यहरुको व्यवसाय प्रवद्र्धन गर्न सहकारी संस्थाहरुले सहकारी पसल तथा सहकारी मेला सञ्चालन गर्दै जानुपर्ने
बताउनुभयो ।
कार्यक्रममा संस्थाका सचिव विष्णु प्रसाद दुमरुले संस्थामा ऋण लगानी कम भई रहेको अवस्थामा बजारको अध्ययन गरी नयाँ लगानी क्षेत्रहरुको पहिचान गर्नुपर्ने जोड दिनुभयो । उहाँले आ.व. २०८१/०८२ को पुस मसान्त सम्म भएका कार्यक्रमका साथ साथै संस्थाका विभिन्न नीति तथा कार्यविधिहरुको जानकारी दिनुभयो ।
कार्यक्रममा संस्थाका कोषाध्यक्ष जयराम गोर्खालीले संस्थाको थप विकास गर्न संस्थाको मानव संसाधन व्यवस्थापनमा विषेश ध्यान दिनुपर्ने बताउनुभयो । उहाँले संस्थालाई दिगो बनाउन संस्थामा सल्लाहाकार समितिको गठान गर्नुपर्ने बताउँदै संस्था विकास गर्न अनुसन्धान र विकास विभागको आवश्यकता रहेको भन्नुभयो ।
संस्थाका लेखा सुपरिवेक्षण समितिका संयोजक राम प्रसाद लाखाजुले संस्थाको लक्ष्य प्रप्ती गर्न समिक्षा बैठक आवश्यक रहेको भन्नुहुँदै संस्थामा ऋण लगानीमा कमी हुँदा संस्थाको नाफामा असर हुने भएको कारणले समयमै समस्याको पहिचान गरी रणनीति निर्माण गर्नुपर्ने बताउनुभयो ।
कार्यक्रममा संस्थाका निमित्त व्यवस्थापक चन्द्र प्रसाद दुमरुले संस्थाले सुरक्षित ऋण लगानी गर्दै आएको हुनाले संस्थामा सदस्यहरुको बचत सुरक्षित रहेको जानकारी दिनुभयो । उहाँले संस्था प्रविधिलाई आत्मसाथ गरी अघि बढ्दै गए संस्था वित्तीय रुपमा सक्षम बन्ने भन्नुहुँदै समुदायमा आधारित सहकारीलाई हालै जारी भएको सहकारी सम्बन्धी अध्यादेश एक चुनौटी बनेको बताउनुभयो ।
संस्थाले २०८१ पुस मसान्तसम्मा १७११७ सदस्य, शेयर पूँजी २६ करोड ४६ लाख, निक्षेप तथा बचत २ अर्व ५० करोड ९० लाख, ऋण लगानी १ अर्वं ६७ करोड ९८ लाख, जगेडा कोष २५ करोड ३४ लाख तथा कुल सम्पत्ति ३ अर्व १४ करोड ७१ लाखको संकलन भएको आर्थिक प्रगति विवरण सहित संस्थाको सबल र सुधार गर्नुपर्ने विषयहरुमा छलफल गरिएको थियो ।

२९ पुस, भक्तपुर । यस सिद्धि गणेश बचत तथा ऋण सहकारी संस्था लि. को ३१औं स्थापना दिवस समारोह सञ्चालक समितिको आयोजना तथा नेमकिपाका केन्द्रिय सदस्य एवं बागमती प्रदेश सभा माननीय साँसद सृजना सैंजुको प्रमुख आतिथ्यतामा सिद्धि गणेश तालिम हल, खँचामा सम्पन्न भयो ।
कार्यक्रमका प्रमुख अतिथि नेमकिपाका केन्द्रिय सदस्य एवं बागमती प्रदेश सभा माननीय साँसद सृजना सैंजुले संसारमा सहकारी आन्दोलनको सुरुवात सन् १९१७ बाट नै भएको र सहकारी आन्दोनको माध्यमबाट नै थुप्रै राष्ट्रहरुमा किसानहरुको प्रगति भएको बताउनुभयो । उहाँले सुविधाजनक भक्तपुरको स्थापनामा सहकारी आन्दोलनको ठूलो भूमिका रहेको भन्नुहुँदै लेलिनले सय वर्ष अगा८ि नै अनुमान गरका दुई सहकारी आन्दोनका पक्षहरु अहिले लागु भइरको बताउनुभयो । साँसद सैंजुले सिद्धि गणेश साकोसले झण्डै एक पुस्ताको निम्ति सेवा प्रदान गरेर समाजमा परिर्वतन ल्याउन अहम भूमिका खेलको बताउँदै संस्था सहकारी आन्दोलनको एक प्ररभिम्क सहकारी संस्था रहेको भन्नुभयो ।
प्रमुख अतिथि सृजना सैंजुले संस्थाको विकासका लागि २५ वर्ष देखि अनवरत सेवा प्रदान गर्ने संस्थाका निमित्त व्यवस्थापक चन्द्र प्रसाद दुमरु र बचत प्रमुख सुमित्रा खाईजुलाई पदक र कदर–पत्र प्रदान गरी सम्मान गर्नु भएको थियो ।
कार्यक्रमका अतिथि भ.न.पा.–७ का वडाध्यक्ष उकेश कवांले सिद्धि गणेश साकोस जस्ता समुदायमा आधारित सहकारी संस्थाले समाजलाई रुपान्तरण गर्न टेवा पु¥याउने बताउनुभयो । उहाँले सहकारीका सञ्चालक सदस्यहरु र कर्मचारीबीच राम्रो समन्वय कयम नगरे सहकारी संस्था समस्यामा पर्ने भन्नुहुँदै संस्था विकासका लागि निरन्तर अनुसन्धानहरु गर्दै जानुपर्ने बताउनुभयो । उहाँले सहकारी संस्थाहरुले विभिन्न सामाजिक कार्यमा सहयोग गर्नुपर्नेमा जोड दिनुहुँदै ज्यष्ठ नागरिकका लागि आदर निकेतन र शिशुहरुका लागि शिशुस्यहारको स्थापना गर्दै जान सुझाव दिनुभयो ।
उहाँले हाल अस्वस्थ्य खानपानका कारण विभिन्न रोग निम्तिएको भन्नुहुँदै वडाका २०० घरमा अनुसन्धान गर्दा ५० घरमा मधुमेहका बिरामी र ५० घरमा मुटुरोगका बिरामी रहेको तथ्याङक निस्किएको बताउनुभयो । वडाध्यक्ष कवांले स्वस्थ बन्न हामीले आफ्नो रहन सहनलाई फुड टेक्निसिन संग सल्लाह गरी स्वस्थ्य आहार तालिका बनाउनुपर्ने सुझव दिनुभयो ।
कार्यक्रमका अतिथि भक्तपुर नगरपालिकाका प्रतिनिधि हरि प्रसाद बासुकलाले हाल सहकारी क्षेत्रमा देखिएको समस्याहरुको समाधान गर्न राष्ट्र स्तरमा नै विभिन्न अनुगमन समिति बनाई सहकारी क्षेत्र विकास गर्ने कार्य भई रहेको जानकारी दिनुभयो । उहाँले भक्तपुर नगरका सम्पुर्ण सहकारी संस्था समुदायमा आधारित रहेको हुनाले भक्तपुरका कमै सहकारी संस्थामात्र समस्यामा परेको बताउनुभयो । वडाध्यक्ष बासुकलाले जगेडाकोष बलियो भएका सहकारी संस्था दिगो हुने बताउँदै जगेडा कोषको रकम उत्पादनशिल क्षेत्रमा लगानी गर्नुपर्ने विचार व्यक्त गर्नुभयो ।
कार्यक्रमका सभापति एवं संस्थाका अध्यक्ष रुद्र नारायण लाखाले समुदायमा आधारित भई कार्य गर्दै आएको यस संस्था सदस्यहरुको विश्वास र सहयोगले गर्दा जिल्लामा मात्र नभई राष्ट्रमै सफल बनेको बताउनुभयो ।
उहाँले ३१ जना युवाहरुको अगुवाईमा स्थापित यस संस्था पहिलो वर्षमा घाटामा गएको संस्था हाल बाल बचतकर्ता तथा ज्यष्ठ सदस्यहरु समेत गरी २१ हजार भन्दा बढिको सदस्यहरु सिहत निरन्तर नाफामा रहेको बताउनुभयो ।
कार्यक्रममा संस्थाका उपाध्यक्ष विष्णु प्रसाद दुमरुले समुदायमा आधारित सहकारी संस्थाहरुले सामाजिक कार्य गर्दै गर्दा नाफमुखी सहकारी संस्थाले आर्थिक अपचलन गर्दा सम्पूर्ण सहकारी क्षेत्रको बदनामी भई रहेको बताउनुभयो । उहाँले सहकारी संस्थाहरुले अनिवार्य रुपमा उत्पादनशिल क्षेत्रमा लगानी गर्दै जानुपर्नेमा जोड दिनुभयो ।उहाँले सहकारी संस्थाले कृषि एवं शिक्षा क्षेत्रमा लगानी गर्नुपर्ने अवस्थामा जारी गरिएको अध्यादेशले सहकारी संस्थाको लागानी क्षेत्रमा लगाम लगाउने कार्य गरेको बताउनुभयो । उहाँले सहकारी सबैमा समान किसिमका नीति नियम लागु गर्नु भन्दा सहकारीको क्षेत्र अनुसारको नीति निमार्ण गरी सहकारी सञ्चालन गरे सदस्यहरुको सामाजिक तथा आर्थिक विकास हुने बताउनुभयो ।
संस्थाको ३१औं स्थापना दिवसको कार्यक्रम संस्थाका सचिव विष्णु प्रसाद दुमरुले गर्नुभएको थियो । साथै समारोहमा संस्थाका कोषाध्यक्ष जयराम गोर्खालीले ३१ ज्ना युवाहरुबाट सुरु भएका यस संस्था हला १७६०० जानाको परिवार बनी नेपाल अधिरज्य भरमा उतकृष्ट १० सहकारीहरु मध्य एक रहेको जानकारी दिनुभयो । उहाँले संस्थाको वित्तीय अवश्थ्याको जानकारी दिनुहुँदै संस्थामा निरन्तर अध्ययन र अनुसन्धान गरी संस्थाको विकास गर्दै जानुपर्ने बताउनुभयो । उहँले संस्थाका सम्पूर्ण सदस्य, कर्मचारी तथा सञ्चालक सदस्यहरु निस्वर्थ रुपामा संलग्न रहे संस्था सफल बन्दैजाने विचार राख्नुभयो ।
कार्यक्रममा भक्तपुर बचत तथा ऋण सहकारी संघका प्रतिनिधिका रुपमा पाल्नुभएका संघका अध्यक्ष एवं संस्थाका सञ्चालक सदसय कृष्ण गोविन्द लाखाजुले संस्थाका संस्थापकहरुले संस्था सिछि गणेश साकोस मात्र अघि नबढि जिल्ला भरका सहकारी संस्था सफल र समुदायमा आधारित बनाउनु पर्ने आवश्यकता पुरा गर्न संस्थाको अगुवाईमा जिल्ला सहकारी संघको स्थापना गरिएको स्मरण गराउनुभयो । उहाँले सहकारी संस्थाहरुले राष्ट्रको अर्थतन्त्रमा तेवा पु¥याउन कृषि तथा उत्पादनमुलक क्षेत्रमा लगानी गर्दै जानुपर्नेमा जोड दिनुभयो ।
उहाँले सहकारीमा महिला सदस्यहरु बढि संलग्न रहेता पनि नेतृत्व गर्ने पक्षमा भने महिलाको सहभागीता कम रहेको चर्चा गर्नुभयो । उहाँले सहकारी संस्थाबाट सामाजिक क्षेत्रमा गरेका योगदान गरेका कार्य अरुलाई पनि सुनाई अरुलाई पनि प्रोत्साहन दिनुपर्ने बताउनुभयो ।
उहाँले हालै मन्त्री परिषदबाट स्विकृत सहकारी सम्बन्धी अध्यादेशले निजी क्षेत्रलाई बढि प्राथमिकता दिने कार्य गरी सहकारी संस्थाहरु बन्द गर्नुपर्ने अवस्था निम्त्याउने बताउनुभयो । उहाँले सो अध्यादेशले समुदायको हितका लागि कार्य गर्ने सहकारी संस्थामा समेत खराब असर गर्ने हुनाले यसको सबैले विरोध गर्नुपर्ने विचार व्यक्त गर्नुभयो ।
कार्यक्रमका अतिथि डा. रत्न सुन्दर लासिवाले निजी स्वस्थ्य क्लिनिकमा महङगोमा स्वास्थ्य सेवा उपभोग गर्नुपर्ने अवस्थामा सिद्धि गणेश स्वास्थ्य क्लिनिकबाट सुलभ मुल्यमा विभिन्न स्वास्थ्य सेवा प्रदान गर्दै आएको बताउनुभयो ।
उहाँले यहि माघ २२ गतेदेखि फागुन ६ गते सम्म नेपाल अधिराज्य भर मिहिलाहरुको पाठेघरमा हुने क्यान्सर रोगको रोकथामका लागि १० देखि १४ वर्ष सम्मका किसोरीहरुलाई एच.पिइ.भि भ्याकसिन लागाइने जानकारी दिनुभयो । उहाँले हाल समाजमा सरुवा रोग भन्दा नसर्ने रोग बढि रहेको बताउँदै सरुवा रोग भन्दा नसर्ने रोग बढि जीवन घाटक हुने भन्नुभयो । उहाँले सरुवा रोगको औषधी उपचार गरी छिटै सन्चो हुने तर नसर्ने रोगको उपचार लामो समय सम्म गर्नुपर्ने भएकाले बिरामीहरुलाई बढि आर्थिक भार पर्ने बताउनुभयो ।
समारोहमा संस्थाका पूर्व अध्यक्ष एवं सञ्चालक सदस्य हरिरत्न गोर्खालीले नेपाल मजदुर किसान पार्टीका अग्रजहरुको भावनालाई आत्मसाथ गरी कर्य गर्दै संस्था सफल बन्दै गएको बताउनुभयो । उहाँले अध्ययन गर्नुको महत्व बारे चर्चा गर्नुहुँदै राष्ट्रका निम्ति लड्ने व्यक्तिहरुको अध्ययन गरे आफुमा पनि राम्रो प्रभाव पर्दै जाने बताउनुभयो । अनावश्यक खर्च कटौटी गरी बचत गर्ने बानीको विकास गर्ने उद्देश्यका साथ संस्था अघि बढि रहेको बताउँदै बचत गर्ने बानीले भविष्यमा पर्ने समस्याको समाधान हुने उहाँले भन्नुभयो । उहाँले किसानहरु र न्यून आय भएका सदस्यहरुको आर्थिक बिकासका निम्ति समाजमा सहकारी संस्था आवश्यक रहेको बताउँदै नीति नियमा सहकारी संस्था सञ्चालन नगरेमा संस्था सामस्यामा पर्ने भन्नुभयो । उहाँले हाल सहकारी संस्थामा बढि रहेको अनीयमितताका कारण सहकारी क्षेत्रमा विकृति फैलिरहेको भन्नुहुँदै समाजवादी व्यवस्था अन्तरगतका सहकारीहरुलाई प्राथमिकता दिए मात्र समाज र जनताको हित हुने बताउनुभयो ।
कार्यक्रममा संस्थाका निवर्तमान अध्यक्ष एवं सञ्चालक सदस्य राजन लाखाजुले केही समस्यामा परेका सहकारी संस्थाका कारण भई रहेको विकृतिका कारण राम्रा समुदायमा आधारित सहकारी संस्थाको पनि बदनामी भई रहेको बताउनुभयो । उहाँले समुदायमा आधारित सहकारी संस्था सामाजिक सेवामा आवद्ध रहने र समाजकमा परिवर्त ल्याउने विचार व्यक्त गर्नुभयो ।
निवर्तमान अध्यक्ष लाखाजुले संस्थाको स्थापना दिवस संस्थापक सदस्यहरुले पु¥याएको योगदानको कदर गर्दै मनिइएको भन्नुहुँदै व्यक्तिगत भन्दा सामुहिक प्रयासका कारण संस्था विकास भई रहेको बताउनुभयो । उहाँले स्ंस्थाको स्थापनाकालमा कार्यगर्ने सञ्चालकहरुको नेतृत्व, कार्यदक्षता, परदर्शीताको कदर गनुुहुँदै संस्था सफल बन्नुमा उहाँहरुको योगदान अतुलनिय रहेको बताउनभयो ।
साथै कार्यक्रममा संस्थाका निमित्त व्यवस्थापक चन्द्र प्रसाद दुमरुले संस्थाको स्थापना दिवसको अवसरमा संस्थाका सबै उपसमितिको आयोजनामा विभिन्न तालिम, अन्तरक्रिया कार्यक्रम, स्वास्थ्य शिविर तथा खेलकुद प्रतियोगिताहरु सम्पन्न भएको जानकारी दिनुभयो । उहाँले माथिल्लो निकायबीच समन्वय कायम गरी नीति नियममा सञ्चालन भएको यस संस्थाका सदस्यहरुको बचत र ऋण लगानी सुरक्षित रहेको बताउनुभयो ।

२३ पुस, भक्तपुर । यस सिद्धि गणेश बचत तथा ऋण सहकारी संस्था लि. को ३१औं स्थापना दिवसको अवसरमा बचत उपसमितिको आयोजनामा बचत सम्बन्धी सदस्यहरुबीच अन्तरक्रिया कार्यक्रम सिद्धि गणेश तालिम हल, खँचामा सम्पन्न भयो ।
कार्यक्रममा संस्थाका अध्यक्ष रुद्र नारायण लाखाले संस्थाका संस्थापक सदस्यहरु सबै सामाजिक क्षेत्रमा लागि रहेको भन्नुहुदै संस्था स्थापनाकाल देखि नै समुदायमा आधारित भई सञ्चालन हुँदै आएको बताउनुभयो । उहाँले नियमित बचत गर्नुपर्ने महत्व बारे चर्चा गर्नुहुँदै ३१ जना जागरुक युवाहरुको रु.१०० को नियमित बचतबाट सुरु भएको संस्थामा हाल १७ हजार सदस्य र ३ अर्ब १५ करोडको सम्पत्ति जम्मा भएको जानकारी दिनुभयो ।
उहाँले सहकारी संस्थाले सदस्यहरुलाई ऋणी नभई उद्यमी बनाउनुपर्नेमा जोड दिनुहुँदै संस्थाले नाफामुखी उद्देश्य राख्नु भन्दा सदस्यहरुको आर्थिक क्षमता अभिबृद्धि गर्ने उद्देश्य राख्नुपर्ने बताउनुभयो । साथै संस्थाले सदस्यहरुलाई आर्थिक लाभको अवसर प्रदान गर्न विभिन्न सिपमुलक तथा आयमुलक तालिम सञ्चालन गर्दै जानुपर्ने बताउनुभयो ।
उहाँले सदस्यहरुको स्वास्थलाई मध्यनजर गरी सिद्धि गणेश स्वास्थ्य क्लिनिक तथा नियमित स्वास्थ्य शिविर सञ्चालन गर्दै आएको बताउँदै रोग लाग्नुको धेरै कारण मध्य अस्वस्थ्य खानपान पनि रहेको भन्नुभयो । अध्यक्ष लाखाले घरमै बनेको खाना स्वस्थ्यकर हुने हुँदा संस्थाबाट सदस्यहरुलाई पाक शिक्षा तालिम, अचार बनाउने तालिम, पोषण सम्बन्धी अभिमुखिकरण कार्यक्रम सञ्चालन गर्दै आएको र संस्थाको ३१औं स्थापना दिवसको अवसरमा मस्यौरा बनाउने तालिम सञ्चालन हुने समेत जानकारी दिनुभयो ।
कार्यक्रममा संस्थाका सञ्चालक सदस्य तुल्सी दास दुमरुले मानसिक तनाबका कारण युवाहरुमा डिप्रेसन जस्ता रोग देखा परेको बताउँदै साने भन्दा सानो रोगको चिकित्सक परामर्श नलिएमा पछि रोग जीवन घाटक बन्दै जाने भन्नुभयो । उहाँले संस्थाको स्थापना दिवसको अवसरमा सम्पन्न निःशुल्क मुटुरोग, हाडजोर्नी तथा नसारोग सम्बन्धी स्वास्थ्य शिविरमा मुटुरोग सम्बन्धी परामर्श लिने सदस्यहरुको संख्या धरै रहेको र समयको पाबन्दीका कारण सबैले परामर्श लिन नपाएको हुँदा पुन मिति २०८१ पुस २७ गते मुटुरोग सम्बन्धि स्वास्थ्य शिविर आयोजना गरिने जानकारी दिनुभयो ।
कार्यक्रमका सभापति एवं संस्थाका सञ्चालक सदस्य कृष्ण गोबिन्द लाखाजुले अन्तरक्रिया कार्यक्रममा सदस्यहरुले आफ्नो सुझावहरु प्रस्तुत गर्नुपर्नेमा जोड दिनुहुँदै सदस्यहरुको सुझवलाई छलफल गरी संस्थाका नीति निमार्ण गरिने बताउनुभयो । उहाँले सिद्धि गाणेश साकोस नेपालको सहकारी अभियानको एक प्रारम्भिक सहकारी रहेको बताउँदै संस्था स्थापना काल देखि नै समुदायमा आधारित रहेको भन्नुभयो ।
उहाँले सहकारी संस्था नाफामुखि नभई सामाजिक भावना विकास गर्ने हुनुपर्ने भन्नुहुँदै जगेडा कोष बलियो भएका सहकारी संस्था दिगो हुने बताउनुभयो । उहाँले हाल देशमा २०० वटा मात्र सहकारी संस्था समस्या ग्रष्ट रहेको जानकारी दिनुहुँदै हालै पारित सहकारी सम्बन्धि अध्यादेशले समुदायमा आधारित सहकारी संस्था सञ्चालनको क्षेत्रलाई संकोचित बनाएको बताउनुभयो । साथै सो अध्यादेशको देश भरी नै बचत तथा ऋण सहकारी संघ र संस्था एकजुत भई विरोध गर्नुपर्नेमा जोड दिनुभयो ।
कार्यक्रममा संस्थाका निमित्त व्यवस्थापक चन्द्र प्रसाद दुमरुले आजको बचत नै भोलीको भविष्य हो भन्नुहुँदै सहकारी संस्थाले नियमित बचत गर्ने बानीको विकास गराउनुपर्नेमा जोड दिनुभयो । उहाँले सर्वोत्कृष्ट वित्तीय समाधानका लागि सिद्धि गणेश परिकल्पनाका साथ संस्थाले बचत तथा ऋण सुविधाका साथ साथै अन्य मोबाइल बैंकिङ, बिमा, मनि ट्रन्सफर तथा कनेक्ट आइ.पि.स सेवाहरु समेत संस्थाले प्रदान गर्दै आएको जानकारी दिनुभयो ।
उहाँले संस्थामा उपलब्ध विभिन्न बचतका प्रकारको चर्चा गर्नुहुँदै सदस्यहरुले बचत तथा ऋण कारोवार गर्न संस्थामा उपलब्ध विभिन्न प्रविधिको पनि उपयोग गर्न आग्रह गर्नुभयो ।
उपसमितिका सचिव चिरी मैया लाखाजुले सञ्चालन गर्नुभएको उक्त कार्यक्रममा उपसमितिका सदस्य सुन्दर मानन्धरले पनि बोल्नुभएको थियो ।