१३ माघ २०८१, आईतवार
Latest:
२९ पुस, भक्तपुर । यस सिद्धि गणेश बचत तथा ऋण सहकारी संस्था लि. को ३१औं स्थापना दिवस समारोह सञ्चालक समितिको आयोजना तथा नेमकिपाका केन्द्रिय सदस्य एवं बागमती प्रदेश सभा माननीय साँसद सृजना सैंजुको प्रमुख आतिथ्यतामा सिद्धि गणेश तालिम हल, खँचामा सम्पन्न भयो ।
कार्यक्रमका प्रमुख अतिथि नेमकिपाका केन्द्रिय सदस्य एवं बागमती प्रदेश सभा माननीय साँसद सृजना सैंजुले संसारमा सहकारी आन्दोलनको सुरुवात सन् १९१७ बाट नै भएको र सहकारी आन्दोनको माध्यमबाट नै थुप्रै राष्ट्रहरुमा किसानहरुको प्रगति भएको बताउनुभयो । उहाँले सुविधाजनक भक्तपुरको स्थापनामा सहकारी आन्दोलनको ठूलो भूमिका रहेको भन्नुहुँदै लेलिनले सय वर्ष अगा८ि नै अनुमान गरका दुई सहकारी आन्दोनका पक्षहरु अहिले लागु भइरको बताउनुभयो । साँसद सैंजुले सिद्धि गणेश साकोसले झण्डै एक पुस्ताको निम्ति सेवा प्रदान गरेर समाजमा परिर्वतन ल्याउन अहम भूमिका खेलको बताउँदै संस्था सहकारी आन्दोलनको एक प्ररभिम्क सहकारी संस्था रहेको भन्नुभयो ।
प्रमुख अतिथि सृजना सैंजुले संस्थाको विकासका लागि २५ वर्ष देखि अनवरत सेवा प्रदान गर्ने संस्थाका निमित्त व्यवस्थापक चन्द्र प्रसाद दुमरु र बचत प्रमुख सुमित्रा खाईजुलाई पदक र कदर–पत्र प्रदान गरी सम्मान गर्नु भएको थियो ।
कार्यक्रमका अतिथि भ.न.पा.–७ का वडाध्यक्ष उकेश कवांले सिद्धि गणेश साकोस जस्ता समुदायमा आधारित सहकारी संस्थाले समाजलाई रुपान्तरण गर्न टेवा पु¥याउने बताउनुभयो । उहाँले सहकारीका सञ्चालक सदस्यहरु र कर्मचारीबीच राम्रो समन्वय कयम नगरे सहकारी संस्था समस्यामा पर्ने भन्नुहुँदै संस्था विकासका लागि निरन्तर अनुसन्धानहरु गर्दै जानुपर्ने बताउनुभयो । उहाँले सहकारी संस्थाहरुले विभिन्न सामाजिक कार्यमा सहयोग गर्नुपर्नेमा जोड दिनुहुँदै ज्यष्ठ नागरिकका लागि आदर निकेतन र शिशुहरुका लागि शिशुस्यहारको स्थापना गर्दै जान सुझाव दिनुभयो ।
उहाँले हाल अस्वस्थ्य खानपानका कारण विभिन्न रोग निम्तिएको भन्नुहुँदै वडाका २०० घरमा अनुसन्धान गर्दा ५० घरमा मधुमेहका बिरामी र ५० घरमा मुटुरोगका बिरामी रहेको तथ्याङक निस्किएको बताउनुभयो । वडाध्यक्ष कवांले स्वस्थ बन्न हामीले आफ्नो रहन सहनलाई फुड टेक्निसिन संग सल्लाह गरी स्वस्थ्य आहार तालिका बनाउनुपर्ने सुझव दिनुभयो ।
कार्यक्रमका अतिथि भक्तपुर नगरपालिकाका प्रतिनिधि हरि प्रसाद बासुकलाले हाल सहकारी क्षेत्रमा देखिएको समस्याहरुको समाधान गर्न राष्ट्र स्तरमा नै विभिन्न अनुगमन समिति बनाई सहकारी क्षेत्र विकास गर्ने कार्य भई रहेको जानकारी दिनुभयो । उहाँले भक्तपुर नगरका सम्पुर्ण सहकारी संस्था समुदायमा आधारित रहेको हुनाले भक्तपुरका कमै सहकारी संस्थामात्र समस्यामा परेको बताउनुभयो । वडाध्यक्ष बासुकलाले जगेडाकोष बलियो भएका सहकारी संस्था दिगो हुने बताउँदै जगेडा कोषको रकम उत्पादनशिल क्षेत्रमा लगानी गर्नुपर्ने विचार व्यक्त गर्नुभयो ।
कार्यक्रमका सभापति एवं संस्थाका अध्यक्ष रुद्र नारायण लाखाले समुदायमा आधारित भई कार्य गर्दै आएको यस संस्था सदस्यहरुको विश्वास र सहयोगले गर्दा जिल्लामा मात्र नभई राष्ट्रमै सफल बनेको बताउनुभयो ।
उहाँले ३१ जना युवाहरुको अगुवाईमा स्थापित यस संस्था पहिलो वर्षमा घाटामा गएको संस्था हाल बाल बचतकर्ता तथा ज्यष्ठ सदस्यहरु समेत गरी २१ हजार भन्दा बढिको सदस्यहरु सिहत निरन्तर नाफामा रहेको बताउनुभयो ।
कार्यक्रममा संस्थाका उपाध्यक्ष विष्णु प्रसाद दुमरुले समुदायमा आधारित सहकारी संस्थाहरुले सामाजिक कार्य गर्दै गर्दा नाफमुखी सहकारी संस्थाले आर्थिक अपचलन गर्दा सम्पूर्ण सहकारी क्षेत्रको बदनामी भई रहेको बताउनुभयो । उहाँले सहकारी संस्थाहरुले अनिवार्य रुपमा उत्पादनशिल क्षेत्रमा लगानी गर्दै जानुपर्नेमा जोड दिनुभयो ।उहाँले सहकारी संस्थाले कृषि एवं शिक्षा क्षेत्रमा लगानी गर्नुपर्ने अवस्थामा जारी गरिएको अध्यादेशले सहकारी संस्थाको लागानी क्षेत्रमा लगाम लगाउने कार्य गरेको बताउनुभयो । उहाँले सहकारी सबैमा समान किसिमका नीति नियम लागु गर्नु भन्दा सहकारीको क्षेत्र अनुसारको नीति निमार्ण गरी सहकारी सञ्चालन गरे सदस्यहरुको सामाजिक तथा आर्थिक विकास हुने बताउनुभयो ।
संस्थाको ३१औं स्थापना दिवसको कार्यक्रम संस्थाका सचिव विष्णु प्रसाद दुमरुले गर्नुभएको थियो । साथै समारोहमा संस्थाका कोषाध्यक्ष जयराम गोर्खालीले ३१ ज्ना युवाहरुबाट सुरु भएका यस संस्था हला १७६०० जानाको परिवार बनी नेपाल अधिरज्य भरमा उतकृष्ट १० सहकारीहरु मध्य एक रहेको जानकारी दिनुभयो । उहाँले संस्थाको वित्तीय अवश्थ्याको जानकारी दिनुहुँदै संस्थामा निरन्तर अध्ययन र अनुसन्धान गरी संस्थाको विकास गर्दै जानुपर्ने बताउनुभयो । उहँले संस्थाका सम्पूर्ण सदस्य, कर्मचारी तथा सञ्चालक सदस्यहरु निस्वर्थ रुपामा संलग्न रहे संस्था सफल बन्दैजाने विचार राख्नुभयो ।
कार्यक्रममा भक्तपुर बचत तथा ऋण सहकारी संघका प्रतिनिधिका रुपमा पाल्नुभएका संघका अध्यक्ष एवं संस्थाका सञ्चालक सदसय कृष्ण गोविन्द लाखाजुले संस्थाका संस्थापकहरुले संस्था सिछि गणेश साकोस मात्र अघि नबढि जिल्ला भरका सहकारी संस्था सफल र समुदायमा आधारित बनाउनु पर्ने आवश्यकता पुरा गर्न संस्थाको अगुवाईमा जिल्ला सहकारी संघको स्थापना गरिएको स्मरण गराउनुभयो । उहाँले सहकारी संस्थाहरुले राष्ट्रको अर्थतन्त्रमा तेवा पु¥याउन कृषि तथा उत्पादनमुलक क्षेत्रमा लगानी गर्दै जानुपर्नेमा जोड दिनुभयो ।
उहाँले सहकारीमा महिला सदस्यहरु बढि संलग्न रहेता पनि नेतृत्व गर्ने पक्षमा भने महिलाको सहभागीता कम रहेको चर्चा गर्नुभयो । उहाँले सहकारी संस्थाबाट सामाजिक क्षेत्रमा गरेका योगदान गरेका कार्य अरुलाई पनि सुनाई अरुलाई पनि प्रोत्साहन दिनुपर्ने बताउनुभयो ।
उहाँले हालै मन्त्री परिषदबाट स्विकृत सहकारी सम्बन्धी अध्यादेशले निजी क्षेत्रलाई बढि प्राथमिकता दिने कार्य गरी सहकारी संस्थाहरु बन्द गर्नुपर्ने अवस्था निम्त्याउने बताउनुभयो । उहाँले सो अध्यादेशले समुदायको हितका लागि कार्य गर्ने सहकारी संस्थामा समेत खराब असर गर्ने हुनाले यसको सबैले विरोध गर्नुपर्ने विचार व्यक्त गर्नुभयो ।
कार्यक्रमका अतिथि डा. रत्न सुन्दर लासिवाले निजी स्वस्थ्य क्लिनिकमा महङगोमा स्वास्थ्य सेवा उपभोग गर्नुपर्ने अवस्थामा सिद्धि गणेश स्वास्थ्य क्लिनिकबाट सुलभ मुल्यमा विभिन्न स्वास्थ्य सेवा प्रदान गर्दै आएको बताउनुभयो ।
उहाँले यहि माघ २२ गतेदेखि फागुन ६ गते सम्म नेपाल अधिराज्य भर मिहिलाहरुको पाठेघरमा हुने क्यान्सर रोगको रोकथामका लागि १० देखि १४ वर्ष सम्मका किसोरीहरुलाई एच.पिइ.भि भ्याकसिन लागाइने जानकारी दिनुभयो । उहाँले हाल समाजमा सरुवा रोग भन्दा नसर्ने रोग बढि रहेको बताउँदै सरुवा रोग भन्दा नसर्ने रोग बढि जीवन घाटक हुने भन्नुभयो । उहाँले सरुवा रोगको औषधी उपचार गरी छिटै सन्चो हुने तर नसर्ने रोगको उपचार लामो समय सम्म गर्नुपर्ने भएकाले बिरामीहरुलाई बढि आर्थिक भार पर्ने बताउनुभयो ।
समारोहमा संस्थाका पूर्व अध्यक्ष एवं सञ्चालक सदस्य हरिरत्न गोर्खालीले नेपाल मजदुर किसान पार्टीका अग्रजहरुको भावनालाई आत्मसाथ गरी कर्य गर्दै संस्था सफल बन्दै गएको बताउनुभयो । उहाँले अध्ययन गर्नुको महत्व बारे चर्चा गर्नुहुँदै राष्ट्रका निम्ति लड्ने व्यक्तिहरुको अध्ययन गरे आफुमा पनि राम्रो प्रभाव पर्दै जाने बताउनुभयो । अनावश्यक खर्च कटौटी गरी बचत गर्ने बानीको विकास गर्ने उद्देश्यका साथ संस्था अघि बढि रहेको बताउँदै बचत गर्ने बानीले भविष्यमा पर्ने समस्याको समाधान हुने उहाँले भन्नुभयो । उहाँले किसानहरु र न्यून आय भएका सदस्यहरुको आर्थिक बिकासका निम्ति समाजमा सहकारी संस्था आवश्यक रहेको बताउँदै नीति नियमा सहकारी संस्था सञ्चालन नगरेमा संस्था सामस्यामा पर्ने भन्नुभयो । उहाँले हाल सहकारी संस्थामा बढि रहेको अनीयमितताका कारण सहकारी क्षेत्रमा विकृति फैलिरहेको भन्नुहुँदै समाजवादी व्यवस्था अन्तरगतका सहकारीहरुलाई प्राथमिकता दिए मात्र समाज र जनताको हित हुने बताउनुभयो ।
कार्यक्रममा संस्थाका निवर्तमान अध्यक्ष एवं सञ्चालक सदस्य राजन लाखाजुले केही समस्यामा परेका सहकारी संस्थाका कारण भई रहेको विकृतिका कारण राम्रा समुदायमा आधारित सहकारी संस्थाको पनि बदनामी भई रहेको बताउनुभयो । उहाँले समुदायमा आधारित सहकारी संस्था सामाजिक सेवामा आवद्ध रहने र समाजकमा परिवर्त ल्याउने विचार व्यक्त गर्नुभयो ।
निवर्तमान अध्यक्ष लाखाजुले संस्थाको स्थापना दिवस संस्थापक सदस्यहरुले पु¥याएको योगदानको कदर गर्दै मनिइएको भन्नुहुँदै व्यक्तिगत भन्दा सामुहिक प्रयासका कारण संस्था विकास भई रहेको बताउनुभयो । उहाँले स्ंस्थाको स्थापनाकालमा कार्यगर्ने सञ्चालकहरुको नेतृत्व, कार्यदक्षता, परदर्शीताको कदर गनुुहुँदै संस्था सफल बन्नुमा उहाँहरुको योगदान अतुलनिय रहेको बताउनभयो ।
साथै कार्यक्रममा संस्थाका निमित्त व्यवस्थापक चन्द्र प्रसाद दुमरुले संस्थाको स्थापना दिवसको अवसरमा संस्थाका सबै उपसमितिको आयोजनामा विभिन्न तालिम, अन्तरक्रिया कार्यक्रम, स्वास्थ्य शिविर तथा खेलकुद प्रतियोगिताहरु सम्पन्न भएको जानकारी दिनुभयो । उहाँले माथिल्लो निकायबीच समन्वय कायम गरी नीति नियममा सञ्चालन भएको यस संस्थाका सदस्यहरुको बचत र ऋण लगानी सुरक्षित रहेको बताउनुभयो ।
२३ पुस, भक्तपुर । यस सिद्धि गणेश बचत तथा ऋण सहकारी संस्था लि. को ३१औं स्थापना दिवसको अवसरमा बचत उपसमितिको आयोजनामा बचत सम्बन्धी सदस्यहरुबीच अन्तरक्रिया कार्यक्रम सिद्धि गणेश तालिम हल, खँचामा सम्पन्न भयो ।
कार्यक्रममा संस्थाका अध्यक्ष रुद्र नारायण लाखाले संस्थाका संस्थापक सदस्यहरु सबै सामाजिक क्षेत्रमा लागि रहेको भन्नुहुदै संस्था स्थापनाकाल देखि नै समुदायमा आधारित भई सञ्चालन हुँदै आएको बताउनुभयो । उहाँले नियमित बचत गर्नुपर्ने महत्व बारे चर्चा गर्नुहुँदै ३१ जना जागरुक युवाहरुको रु.१०० को नियमित बचतबाट सुरु भएको संस्थामा हाल १७ हजार सदस्य र ३ अर्ब १५ करोडको सम्पत्ति जम्मा भएको जानकारी दिनुभयो ।
उहाँले सहकारी संस्थाले सदस्यहरुलाई ऋणी नभई उद्यमी बनाउनुपर्नेमा जोड दिनुहुँदै संस्थाले नाफामुखी उद्देश्य राख्नु भन्दा सदस्यहरुको आर्थिक क्षमता अभिबृद्धि गर्ने उद्देश्य राख्नुपर्ने बताउनुभयो । साथै संस्थाले सदस्यहरुलाई आर्थिक लाभको अवसर प्रदान गर्न विभिन्न सिपमुलक तथा आयमुलक तालिम सञ्चालन गर्दै जानुपर्ने बताउनुभयो ।
उहाँले सदस्यहरुको स्वास्थलाई मध्यनजर गरी सिद्धि गणेश स्वास्थ्य क्लिनिक तथा नियमित स्वास्थ्य शिविर सञ्चालन गर्दै आएको बताउँदै रोग लाग्नुको धेरै कारण मध्य अस्वस्थ्य खानपान पनि रहेको भन्नुभयो । अध्यक्ष लाखाले घरमै बनेको खाना स्वस्थ्यकर हुने हुँदा संस्थाबाट सदस्यहरुलाई पाक शिक्षा तालिम, अचार बनाउने तालिम, पोषण सम्बन्धी अभिमुखिकरण कार्यक्रम सञ्चालन गर्दै आएको र संस्थाको ३१औं स्थापना दिवसको अवसरमा मस्यौरा बनाउने तालिम सञ्चालन हुने समेत जानकारी दिनुभयो ।
कार्यक्रममा संस्थाका सञ्चालक सदस्य तुल्सी दास दुमरुले मानसिक तनाबका कारण युवाहरुमा डिप्रेसन जस्ता रोग देखा परेको बताउँदै साने भन्दा सानो रोगको चिकित्सक परामर्श नलिएमा पछि रोग जीवन घाटक बन्दै जाने भन्नुभयो । उहाँले संस्थाको स्थापना दिवसको अवसरमा सम्पन्न निःशुल्क मुटुरोग, हाडजोर्नी तथा नसारोग सम्बन्धी स्वास्थ्य शिविरमा मुटुरोग सम्बन्धी परामर्श लिने सदस्यहरुको संख्या धरै रहेको र समयको पाबन्दीका कारण सबैले परामर्श लिन नपाएको हुँदा पुन मिति २०८१ पुस २७ गते मुटुरोग सम्बन्धि स्वास्थ्य शिविर आयोजना गरिने जानकारी दिनुभयो ।
कार्यक्रमका सभापति एवं संस्थाका सञ्चालक सदस्य कृष्ण गोबिन्द लाखाजुले अन्तरक्रिया कार्यक्रममा सदस्यहरुले आफ्नो सुझावहरु प्रस्तुत गर्नुपर्नेमा जोड दिनुहुँदै सदस्यहरुको सुझवलाई छलफल गरी संस्थाका नीति निमार्ण गरिने बताउनुभयो । उहाँले सिद्धि गाणेश साकोस नेपालको सहकारी अभियानको एक प्रारम्भिक सहकारी रहेको बताउँदै संस्था स्थापना काल देखि नै समुदायमा आधारित रहेको भन्नुभयो ।
उहाँले सहकारी संस्था नाफामुखि नभई सामाजिक भावना विकास गर्ने हुनुपर्ने भन्नुहुँदै जगेडा कोष बलियो भएका सहकारी संस्था दिगो हुने बताउनुभयो । उहाँले हाल देशमा २०० वटा मात्र सहकारी संस्था समस्या ग्रष्ट रहेको जानकारी दिनुहुँदै हालै पारित सहकारी सम्बन्धि अध्यादेशले समुदायमा आधारित सहकारी संस्था सञ्चालनको क्षेत्रलाई संकोचित बनाएको बताउनुभयो । साथै सो अध्यादेशको देश भरी नै बचत तथा ऋण सहकारी संघ र संस्था एकजुत भई विरोध गर्नुपर्नेमा जोड दिनुभयो ।
कार्यक्रममा संस्थाका निमित्त व्यवस्थापक चन्द्र प्रसाद दुमरुले आजको बचत नै भोलीको भविष्य हो भन्नुहुँदै सहकारी संस्थाले नियमित बचत गर्ने बानीको विकास गराउनुपर्नेमा जोड दिनुभयो । उहाँले सर्वोत्कृष्ट वित्तीय समाधानका लागि सिद्धि गणेश परिकल्पनाका साथ संस्थाले बचत तथा ऋण सुविधाका साथ साथै अन्य मोबाइल बैंकिङ, बिमा, मनि ट्रन्सफर तथा कनेक्ट आइ.पि.स सेवाहरु समेत संस्थाले प्रदान गर्दै आएको जानकारी दिनुभयो ।
उहाँले संस्थामा उपलब्ध विभिन्न बचतका प्रकारको चर्चा गर्नुहुँदै सदस्यहरुले बचत तथा ऋण कारोवार गर्न संस्थामा उपलब्ध विभिन्न प्रविधिको पनि उपयोग गर्न आग्रह गर्नुभयो ।
उपसमितिका सचिव चिरी मैया लाखाजुले सञ्चालन गर्नुभएको उक्त कार्यक्रममा उपसमितिका सदस्य सुन्दर मानन्धरले पनि बोल्नुभएको थियो ।
२० पुस, भक्तपुर । यस सिद्धि गणेश बचत तथा ऋण सहकारी संस्था लि. को युवा उपसमितिको आयोजनामा संस्थाको ३१औं स्थापना दिवसको अवसरमा खुल्ला कसिमला पाँय् प्रतियोगिता भ.न.पा. ७ इनाचो परिसरमा सम्पन्न भयो ।
प्रतियोगिताको समापन तथा पुरस्कार वितरण कार्यक्रममा संस्थाका अध्यक्ष रुद्र नारायण लाखाले असफलता नै सफलताको प्रतिक हो भन्नुहुँदै खेलमा हर र जित भई रहने तर हार पश्चत आत्मविश्वस नहारी निरन्तर प्रयास गर्दा पक्कै सफलता मिल्ने बताउनुभयो । उहाँले प्रतियोगिताले सदस्यहरुको वौद्धिक विकास हुने बताउँदै संस्थाको ३१औं स्थापना दिवसको अवसरमा संस्थाबाट सदस्यहरुको सिपविकास तथा क्षेमता विकस गर्ने विभिन्न कार्यक्रमहरु आयोजना भई रहेको जनाकारी दिनुभयो ।
उपसमितिका संयोजक एवं कार्यक्रमका सभापति विष्णुराम दुमरुले खेल क्षेत्र विकास गर्न युवा उपसमितिले हरेक वर्ष विभिन्न खेलकुद प्रतियोगिता आयोजना गर्दै आएको जानकारी दिनुभयो । उहाँले समुदायमा आधारित सहकारी संस्थाहरुले सामाजिक कार्य गर्दै गर्दा नाफमुखी सहकारी संस्थाले आर्थिक अपचलन गर्दा सम्पूर्ण सहकारी क्षेत्रको बदनामी भई रहेको बताउनुभयो ।
उहाँले हालै मात्र जारी भएको सहकारी अध्यादेश पारित भएको खण्डमा समुदायमा आधारित सहकारी संस्था सञ्चालन गर्न कठिन हुने र बन्द समेत गर्नुपर्ने अवस्था निम्त्याउने बताउँदै सो अध्यादेशको विरोध गर्नुपर्ने विचार व्यक्त गर्नुभयो । उहाँले सहकारी संस्थाले कृषि एवं शिक्षा क्षेत्रमा लगानी गर्नुपर्ने अवस्थामा जारी गरिएको अध्यादेशले सहकारी संस्थाको लागानी क्षेत्रमा लगाम लगाउने कार्य गरेको बताउनुभयो ।
कार्यक्रममा संस्थाका निमित्त व्यवस्थापक चन्द्र प्रसाद दुमरुले प्रतियोगितामा सहभागी सम्पूर्णलाई धन्यवाद व्यक्त गर्नुहुँदै भक्तपुर नगरपालिकाले संरक्षण तथा प्रवद्र्धन गर्न कसिमला पाँय् खेल विद्यार्थीहरुको पाठ्यक्रममा समावेश गरिएको जानकारी दिनुभयो ।
कार्यक्रममा शारदा माध्यमिक विद्यालयका शिक्षक विनय किरण कोजुले शिक्षा हासिल गर्ने एउटै केन्द्र विद्यालय मात्र नरहेको भन्नुहुँदै विभिन्न अतिरिक्त क्रियाकलापहरुले विद्यार्थीहरुको शाररिक तथा वौद्धिक विकास गर्ने बताउनुभयो । उहाँले कसिमला पाँय खेलले विद्यार्थीहरुको वौद्धिक विकास हुने भन्नुहुँदै विद्यार्थीहरुलाई हरेक खेलमा सहभागी हुन इच्छुक हुनुपर्ने बताउनुभयो ।
६४ जना सहभागी उक्त प्रतियोगितामा रामेश्वर लाखाजु प्रथम, सकिला स्याङतान द्वितिय, सुजेन खर्बुजा र रोजउल ह्योंग्वा संयुक्त तृतिय बन्न सफल भएका थिए साथै कार्यक्रममा उपसमितिका सचिव जसतारा कोजुले पनि बोल्नुभएको थियो ।
भक्तपुर , पुष २० । सिद्धि गणेश बचत तथा ऋण सहकारी संस्था लि.को शिक्षा उपसमितिको आयोजनामा अनिवार्य शिक्षा शिविर एवं पुरस्कार तथा प्रमाण–पत्र वितरण कार्यक्रम बागमती प्रदेश सभा सांसद माननीय श्रृजना सैंजुको प्रमुख अतिथ्यतामा सिद्धि गणेश तालिम हल, खँचामा सम्पन्न भयो ।
कार्यक्रमका प्रमुख अतिथि एवम् बागमती प्रदेश सभा सांसद श्रृजना सैंजुले नेपालमा सहकारी आन्दोलनले जनताहरुको आर्थिक प्रगतिको निम्ति मात्र नभई शिक्षा, स्वास्थ्य, कृषि, जस्ता थुप्रै क्षेत्रहरुको विकासको निम्ति टेवा पुऋयाएको भन्नुभयो । संसारमा सहकारी आन्दोलनको सुरुवात सन् १९१७ बाट नै भएको र सहकारी आन्दोनको माध्यमबाट नै थुप्रै राष्ट्रहरुमा किसानहरुको प्रगति भएको बताउनुभयो । उहाँले सुविधाजनक भक्तपुरको स्थापनामा सहकारी आन्दोलनको ठूलो भूमिका रहेको भन्नुहुँदै लेलिनले सय वर्ष अगा८ि नै अनुमान गरका दुई सहकारी आन्दोनका पक्षहरु अहिले लागु भइरको बताउनुभयो ।सैंजुले सिद्धि गणेश साकोसले झण्डै एक पुस्ताको निम्ति सेवा प्रदान गरेर समाजमा परिर्वतन ल्याउन अहम भूमिका खेलको बताउनुभयो ।
बागमती सभा सांसद श्रृजना सैंजुले संस्थाको ३१औँ स्थापना दिवसको अवसरमा मिति २०८१ पुस १० गते सम्पन्न भएको अन्तर विद्यालय÷सहकारी हाजिरी जवाफ प्रतियोगिताका प्रथम विजेता बासु मा.वि., दोस्रो विजेता वागीश्री मा.वि., तेस्रो र सान्तोना विजेता पारागन एकेडेमी (ख) र (क) लाई पुरस्कार वितरण गर्नु भएको थियो ।
कार्यक्रमका अतिथि एवम् संस्थाका अध्यक्ष रुद्र नारायण लाखाले सहकारीको मूल्य र मान्यताहरु प्रष्ट पार्नुका साथै शिक्षा शिविरको महत्वबारे पनि प्रकाश पार्नुभयो । उँहाले सदस्यहरुको सहजताको लागि विभिन्न संघसंस्थाहरुसंग समन्वय गरी नयाँ नीतिनियमहरु लागु गर्दै संस्था अगाडि बढिरहेको भन्नुभयो साथै उहाँले सदस्यहरु शिक्षा शिविरमा बसेपश्चात् पाउने विभिन्न सुविधाहरुबारे पनि जानकारी दिनुभयो ।
कार्यक्रमका अतिथि एवम् संस्थाका निमित्त व्यवस्थापक चन्द्र प्रसाद दुमरुले संस्थाको ३१औँ स्थापना दिवसको अवसरमा विभिन्न प्रतियोगिताहरु, तालिमहरु, शिविरहरु र कार्यक्रमहरु भइरहेको जानकारी दिनुभयो । उँहाले सदस्य पहिचान फारम भर्दा संस्थाले सदस्यहरुको बारे सही जानकारी पाउने हुँदा नियम अनुसार फरम भरीदिनुहुन पनि आग्रह गर्नुभयो ।
कार्यक्रमका सभापति एवम संस्थाका सचिव विष्णु प्रसाद दुमरुले पहिलेपहिले साहुमाजनसंग पैसा सापटि लिदा सबै सर्तहरु मान्दा पनि सहुमाजनको हेपाई खप्नुपरको कारणले गर्दा नै सिद्धि गणेशको माध्यमबाट समाजमा केहि राहत दिनको निम्ति साकोसको स्थापना भएको बताउनुभयो । सकोसले स्थापना काल देखि नै विभिन्न उपभोक्ता समिति गठन गर्दै सामाजिक सेवाहरु पनि गर्दै आएको भन्नुभयो । उहाँले सदस्यहरुलाई ब्याजको प्रलोभनमा नपरी संस्थाको गतिविधिहरुको आधारमा संस्थाहरुको मुल्याङ्कन गरी सदस्यता लिन आग्रह गर्नुभयो ।
१९ पुस, भक्तपुर । यस सिद्धि गणेश बचत तथा ऋण सहकारी संस्था लि. को सदस्य व्यवसाय प्रवद्र्धन उपसमितिको आयोजनामा संस्थाको ३१औं स्थापना दिवसको अवसरमा वासिङ मेसिनमा प्रयोग गर्ने झोल डिटर्जेन्ट बनाउने तालिम सिद्धि गणेश तालिम हल, खँचामा सम्पन्न भयो ।
कार्यक्रममा संस्थाका अध्यक्ष रुद्र नारायण लाखाले संस्था सर्वोत्कृष्ट वित्तीय समाधानका लागि सिद्धि गणेश परिकल्पनाका साथ समुदायमा आधारित भई अघि बढि रहेको बताउनुभयो । उहाँले सदस्यहरुलाई शिक्षा दिने उद्देश्यले विभिन्न सिपमुलक, आयमुलक, क्षमता विकासका तालिमका साथ साथै विभिन्न अभिमुखिकरण तथा अन्तरक्रियात्मक कार्यक्रम निरन्तर आयोजना गर्दै आएको जानकारी दिनुभयो ।
उहाँले संस्थाबाट प्रदान गरिएका तालिमको उपयोग गरी व्यवसाय सुरु गर्ने सदस्य न्यून रहेको प्रति दुःख व्यक्त गर्नुहुँदै तालिम लिएर अरुलाई तालिम दिन योग्य बन्न नसकेसम्म तालिममा सहभागी भएको औचित्य नरहने बताउनुभयो ।
उहाँले हालै पारित सहकारी सम्बन्धि अध्यादेशले समस्यामा परेका सहकारी सुधार गर्ने बहानामा समुदायमा आधारित सहकारी सञ्चालनमा बाधा पु¥याएको विचार व्यक्त गर्नुभयो । साथै विभिन्न संघहरुले अध्यादेशको विरोध गर्दै आएको जानकारी पनि दिनुभयो ।
उपसमितिका संयोजक एवं कार्यक्रमका सभापति सपना कवांले संस्थाले सदस्य एवं समाजको हितका लागि नियमित रुपमा विभिन्न सिपमूलक एवं आयमूलक तालिम सञ्चालन गर्दै आएको जानकारी दिनुभयो । उहाँले सदस्यहरुलाई आर्थिक अवसरहरु प्रदान गर्ने हेतुले तालिम आयोजना गरिएको बताउनुभयो ।
कार्यक्रममा तालिमका प्रशिक्षक नारायण भक्त भेलेले कुनै पनि तालिममा सहभागी हुँदा नयाँ कुराको ज्ञान प्रप्त हुने बताउँदै खर्च कटौटी गर्न सके मात्र बचत गर्न सकिने भन्नुभयो । उहाँले तालिममा एक पटक सहभागी भएर मात्र नपुग्ने तालिममा सिकेका ज्ञान र विधिको निरन्तर अभ्यास गरे मात्र तालिममा सिकेका विषयमा पोक्त बन्ने बताउनुभयो ।
कार्यक्रममा संस्थाका निमित्त व्यवस्थापक चन्द्र प्रसाद दुमरुले तालिममा सहभागीहरुलाई तालिममा सिकेका विषयलाई निरन्तर अध्ययन र अभ्यास गरी पछि आफैले प्रशिक्षण दिनुपर्नेमा जोड दिनुभयो । उहाँले सदस्यहरुको स्वास्थ्यको ख्याल गरी संस्थाले आयोजना गरेका कार्यक्रमहरुमा निःशुल्क सुगर परिक्षण गर्दै आएको जानकारी दिनुभयो ।
उहाँले संस्थालाई अझ सफल बनाउन संस्थाबाट प्रदान गरिने बचत सेवा मात्र उपयोग नगरी ऋण सुविधा पनि उपयोग गर्दै जानुपर्ने बताउनुभयो ।
कार्यक्रममा संस्थाका सञ्चालक सदस्य रञ्जना प्रजापति र कार्यक्रम तथा प्रवद्र्धन अधिकृत बिमल लवजुले पनि बोल्नुभएको थियो ।
१३ पुस, भक्तपुर । यस सिद्धि गणेश बचत तथा ऋण सहकारी संस्था लि. को यातु गणेश सेवाकेन्द्र व्यवस्थापन उपसमितिको आयोजना तथा ख्वप अस्पतालको प्राविधिक सहयोगमा संस्थाको ३१औं स्थापना दिवसको अवसरमा निःशुल्क मुटुरोग, हाडजोर्नी तथा नसारोग सम्बन्धि स्वास्थ्य शिविर यातु गणेश मन्दिर परिसर, कमलविनायकमा सम्पन्न भयो ।
कार्यक्रममा संस्थाका अध्यक्ष रुद्र नारायण लाखाले संस्थाका सदस्यहरुको आर्थिक तथा सामाजिक विकासका निम्ति संस्था आर्थिक कारोवारमा मात्र सिमित नरही निरन्तर सामाजिक क्रियाकलापहरु पनि गर्दै अएको बताउनुभयो । उहाँले समुदायको हितको लागि कोभिड महामारीको बेला भक्तपुर नगरपालिकालाई आर्थिक सहयोग गर्नुका साथै ख्वप खस्पतालमा अक्सिजन प्लान्ट बनाउन संस्थाले सहयोग गरेकोे स्मरण गर्नुभयो ।
अध्यक्ष लाखाले सदस्यहरुमा संस्था प्रति कम चासो हुनु सहकारी संस्था समस्या पर्नुको कारण रहेको बताउनुहुँदै हरेक सदस्यले संस्थाको साधारण सभामा लाभाशंको आसले मात्र उपस्थिति नभई संस्था राम्रो बनाउन सुझावहरु दिुपर्नेमा जोडदिनुभयो । उहाँले सदस्यहरुले आफ्नो दायित्व पुरा नगर्नाले संस्थाले सदस्यहरु प्रतिको दायित्व पुरा गर्न चुकेको हो भन्नुभयो ।
कार्यक्रममा ख्वप अस्पतालका मेडिकल डाइरेक्टर मजेश प्रताप मल्लले सहकारी संस्थाका सेवाग्राहीहरुलाई यस किसिमका स्वास्थ्य शिविरहरुले स्वास्थ्य प्रति चेतना दिने भन्नुहुँदै स्वास्थ्य शिविरका कारण सर्वसाधारणलाई बेलाबेला स्वास्थ्य परिक्षण गराउनु पर्छ भनी सिक दिएको बताउनुभयो । उहाँले स्वास्थ्य शिविरमा स्वास्थ्य परिक्षणका कारण समयमै रोगहरुको लक्ष्यण पता लाग्ने र चिकित्सकको सल्लाह माने रोगको चाँदै निधार हुने बताउनुभयो ।
कार्यक्रममा संस्थाका सञ्चालक सदस्य एवं स्वास्थ्य उपसमितिका संयोजक तुल्सीदास दुमरुले आफु अस्वस्थ्य भए कुनै पनि कार्यमा सफल बन्न नसकिने बताउँदै स–साना रोगहरुको उपचार समयमै नगराए पछि रोग जतिल बन्दै जाने भन्नुभयो । उहाँले यस किसिमका शिविर मार्फत रोगहरु छिटै पहिचान भई छिटै उपचार हुने बताउनुभायो ।
उपसमितिका संयोजक एवं कार्यक्रमका सभापति रमेश दुमरुले सदस्यहरुले सहज रुपमा संस्थाका सेवा र सुविधा उपयोग गर्न सेवा केन्द्रको स्थापना भएको जानकारी दिनुभयो । उहाँले सदस्यहरुको स्वास्थ्यलाई मध्यनजर गरी समय समयमा स्वास्थ्य शिविरको आयोजना गर्दै आएको बताउनुभयो । उहाँले सदस्यहरु माझ चिकित्सक सेवा पु¥याउनु एवं स्वास्थ्य सम्बन्धि जानकारी दिने हेतुले स्वास्थ्य शिविरको आयोजना गरीएको बताउनुभयो ।
कार्यक्रममा संस्थाका निमित्त व्यवस्थापक चन्द्र प्रसाद दुमरुले संस्थाको ३१औं स्थापना दिवसको अवसरमा विभिन्न सिपमुलक आयमुलक कार्यक्रमहरु आयोजना गरिने जानकारी दिनुहुँदै सामाजिक
सेवा गर्ने उद्देश्यका साथ स्वास्थ्य शिविर आयोजना गरिएको बताउनुभयो । उहाँले संस्थाका सदस्यहरुको स्वास्थ्यलाई मध्यनजर गरी संस्थाबाट खँचा स्थित सिद्धि गणशे स्वस्थ्य क्लिनिकबाट विभिन्न स्वास्थ्य सेवाहरु प्रदान गर्दै आएको बताउनुभयो ।
उहाँले ३१ जना युवाहरुको ३१०० रुपैँयाबाट सुरुवात भएको यस संस्था सदस्यहरुको विश्वास र सहयोगले गर्दा हाल ३ अर्ब १५ करोडको सम्पत्ति जोड्न सफल भएको बताउनुभयो ।
निःशुल्क मुटुरोग, हाडजोर्नी तथा नसारोग सम्बन्धि स्वास्थ्य शिविरमा ९३ जना सदस्य, स्थानिय तथा अन्य सम्भावित सदस्यहरुले पिरामर्श लिएका थिए । शिविरमा संस्थाका कार्यक्रम तथा प्रवद्र्धन अधिकृत बिमल लवजुले पनि बोल्नुभएको थियो ।
१३ पुस, भक्तपुर । यस सिद्धि गणेश बचत तथा ऋण सहकारी संस्था लि. को सेवाकेन्द्र व्यवस्थापन उपसमिति, तेखापुखुको आयोजनामा संस्थाको ३१औं स्थापना दिवसको अवसरमा दुईदिने कुरुश प्रयोग गरी पर्स र ब्याग बनाउने तालिमको समापन कार्यक्रम सेवाकेन्द्र कार्यालय, तेखापुखुमा सम्पन्न भयो ।
कार्यक्रममा संस्थाका अध्यक्ष रुद्र नारायण लाखाले समुदायमा आधारित भई कार्य गर्दै आएको यस संस्था सदस्यहरुको विश्वास र सहयोगले गर्दा जिल्लामा मात्र नभई राष्ट्र कै सफल सहकारी बन्न सफल भएको बताउनुभयो । उहाँले संस्थाबाट निरन्तर सिपमुलक , आयमुलक तथा व्यक्तित्व विकास गर्ने तालिमहरु सञ्चालन गर्दै आएको बताउँदै तालिमलाई तालिममा मात्र सिमित नराखि पेश बनाई उद्यमशिलता विकास गर्नुपर्नेमा जोड दिनुभयो ।
उहाँले जसरी व्यक्तिको जन्मदिनमा सुस्वास्थ्य तथा प्रगतिको लागि उत्सव मनाउछ त्यसरी नै संस्थाको ३१औं स्थापना दिवसको अवसरमा संस्थाको उत्तरोतर प्रगति गर्ने लक्ष्य तथा कामनाका साथ विभिन्न कार्यक्रम आयोजना गरिने जानकारी दिनुभयो । उहाँले तालिममा बसेर मात्र नपुग्ने तालिममा सिकेका सिप निरन्तर उपयोग गरी अरुलाई समेत सिप सिकाउँदै जानुपर्ने धारणा राख्नुभयो । अध्यक्ष लाखाले असफलता नै सफलताको प्रतिक हो भन्नुहुँदै सिकेका सिपको प्रयोग गरी उद्यम गर्दा सुरुवातमा सफल नभए पनि निरन्तर अभ्यास गर्दै जाँदा एक दिन अवश्य सफलता मिल्ने बताउनुभयो ।
उपसमितिका संयोजक एवं कार्यक्रमका सभापति राधेश्याम सैंजुले बि.स. २०६९ साल देखि संस्थाका पश्चिमी भेगका सदस्यहरुलाई सहज रुपमा संस्थाको सेवा र सुविधा प्रदान गर्न सेवा केन्द्र सञ्चालन हुँदै आएको जानकारी दिनुभयो । उहाँले संस्थाको स्थापना कालमा साहु मार्जन संग ऋण लिदँ धेरै कठिनाई भोग्नु परेकोले भ.न.पा. ७ चोर्चाका ३१ जना जागरुक युवाहरुको अगुवाईमा संस्था स्थापना भएको स्मरण गर्नुहुँदै स्थापना काल देखि नै संस्था समुदायमा आधारित भई सञ्चालन हुँदै आएको बताउनुभयो ।
कार्यक्रममा तालिमका प्रशिक्षक एवं उपसमितिका सदस्य चम्पा खत्रीले बजारमा साधारण पर्स तथा ब्याग खरिद गर्दा निक्कै महङ्गो हुने र तिकाउ पनि नहुने बताउँदै आफु संग भएको पर्स र ब्याग बनाउने सिप सदस्यहरुलाई पनि हस्तान्तरण गरी कम लगानीमा गण्स्तरीय एवं तिकाउ पर्स र ब्याग बनाई सदस्यहरुको सिप विकास एवं अनावश्यक खर्च कटौटी गरी बचत गर्ने बानी विकास गराउने तालिमको उद्देश्य रहेको बताउनुभयो ।
कार्यक्रममा संस्थाका निमित्त व्यवस्थापक चन्द्र प्रसाद दुमरुले संस्थाको ३१औं स्थापना दिवसको अवसरमा संस्थाका ऋणी तथा सदस्यहरुको लागि ऋण लगानी सम्बन्धि जानकारी एवं अन्तरक्रिया कार्यक्रम यहि पुस १५ गते आयोजना हुने जानकारी दिनुभयो । साथै सदस्यहरुको सिप विकास गर्न वासिङ मेसिनमा प्रयोग हुने झोल डिर्टजेन्ट बनाउने तालिम र दुईदिने मस्यौरा बनाउने तालिम क्रमश पुस १९ तथा २६ र २७ गते हुने बताउनुभयो ।
उहाँले संस्थाका बाल बचतकर्ता एवं कक्षा ५ देखि ९ का विद्यार्थीहरुको व्यक्तित्व विकास तथा क्षेमता विकास गर्न छ्वाली काला (आर्ट) तालिम पुस २४ देखि माघ २ गतेसम्म सञ्चालन गरिने जनकारी दिनुभयो ।
निमित्त व्यवस्थापक दुमरुले ३१ जनाबाट सुरु भएको यस संस्था सदस्यहरुको विश्वासका कारणले हाल १७००० भन्दा बढि सदस्य ३३०० भन्दा बढि बाल बचतकर्ता एवं ज्यष्ठ नागरीक सदस्यहरु बचि कारोवार गर्दै आएको बातउनुभयो ।
उपसमितिका सचिव पुण्यराम कर्माचार्यले सञ्चालन गर्नुभएको उक्त कार्यक्रममा तालिमका प्रशिक्षार्थी लक्ष्मी शेभा बासुकलाले पनि बोल्नुभएको थियो ।
१० पुस, भक्तपुर । यस सिद्धि गणेश बचत तथा ऋण सहकारी संस्था लि.को शिक्षा उपसमितिको आयोजनामा भक्तपुर नगरपालिका वडा नं. ७ का वडाध्यक्ष उकेश कवांको प्रमुख आतिथ्यतामा संस्थाको ३१औं स्थापना दिवसको अवसरमा अन्तर विद्यालय÷सहकारी हाजिर जवाफ प्रतियोगिता सिद्धि गणेश तालिम हल, खँचामा सम्पन्न भयो ।
प्रतियोगिताको उद्घाटन कार्यक्रममा प्रमुख अतिथि भ.न.पा. ७ का वडाध्यक्ष उकेश कवांले हाल युवाहरु उच्च शिक्षा पश्चात विदेशिने गरेको प्रति चिन्ता व्यक्त गर्नुहुँदै विद्यार्थीहरुलाई राष्ट्र प्रति उज्जागर बनाई जिम्मेवार बनाउनुपर्ने बिचार व्यक्त गर्नुभयो । वडाध्यक्ष कवांले प्रतियोगिताको पहिलो प्रश्न साधी प्रतियोगिताको उद्घाटन गर्नु भएको थियो ।
उहाँले सहकारी संस्था आर्थिक कारोवारमा मात्र सिमित नरही संस्थाका सदस्यहरुलाई सुसूचित गर्नुपर्नेमा जोड दिनुहुँदै हाजिरी जवाफ प्रतियोगिताका समसामयिक प्रश्नहरुले विश्वका थुप्रै ज्ञान जान्ने अवसर हुने बताउनुभयो ।
कार्यक्रममा संस्थाका अध्यक्ष रुद्र नारायण लाखाले ३१ जना स्थानिय युवाहरुको अगुवाइमा स्थापित यस संस्था हाल १७००० भन्दा बढि सदस्यको परिवार बन्न सफल भएको बताउनुभयो । उहाँले सिद्धि गणेश साकोस सहकारी सिद्धान्तको पालना गरी समुदायमा आधारित रहेको बताउनुहुँदै हाजिरी जवाफ प्रतियोगिताले किताबी ज्ञानका साथ साथै अरु ज्ञानको अनुभव दिई प्रतिस्पर्धा गर्न मद्त पु¥याउने भन्नुभयो ।
कार्यक्रममा संस्थाका निवर्तमान अध्यक्ष एवं सञ्चालक सदस्य राजन लाखाजुले संस्था समुदायमा आधारित भई स्थापना काल देखि नै शिक्षा सम्बन्धित कार्यक्रमहरु आयोजना गर्दै आएको जानकारी दिनुभयो । उहाँले राष्ट्रका ठुला नेताहरुको सहकारी अपचलनमा सहभागीता रहनु सहकारी संस्थाहरु समस्यामा पर्नुको मुख्य कारण रहेको बताउनुभयो । उहाँले प्रतियोगिता बिद्यार्थिहरुको क्षमता र सिप प्रर्दशनी गर्ने मञ्च रहेको बताउनुभयो ।
कार्यक्रमका सभापित एव शिक्षा उपसमितिका संयोजक विष्णु प्रसाद दुमरुले एक आपसमा सहकार्य गर्नु नै सहकारी हो भन्नुहुँदै सहकारी संस्थाले सदस्यहरुलाई अनावश्यक खर्च कटौटी गरी बचत गर्ने बानी सिकाउनुपर्ने बताउनुभयो । उहाँले हाजिरी जवाफ प्रतियोगिताले सहकारी सम्बन्धि पनि जानकारी प्रदान गर्ने बताउनुभयो ।
कार्यक्रममा संस्थाका निमित्त व्यवस्थापक चन्द्र प्रसाद दुमरुले संस्थाको ३१औं स्थापना दिवसको अवसरमा विभिन्न कार्यक्रमहरु आयोजना गरिने जानकारी दिनुहुँदै प्रतियोगिताले सहभागी सम्पूर्णलाई वित्तीय रुपमा साक्षर बन्ने अवसर पनि रहेको बताउनुभयो ।
कार्यक्रममा शिक्षा उपसमितिका सचिव किरण बनमाला उपस्थित सम्पूर्णलाई स्वागत गर्नु भएको थियो र उपसमितिका सदस्य रामहरी ताम्रकारले कार्यक्रम सञ्चालन गर्नु भएको थियो ।
अन्तर विद्यालय÷सहकारी हाजिरी जवाफ प्रतियोगिताको फाइनलमा १६५ अकं सहित बासु माध्यमिक विद्यालय प्रथम, १६० अकं सहित वागीश्वरी माध्यमिक विद्यालय द्वितिय, १२५ अकं सहित पारागन एकेडेमी (ख) तृतिय, १२० अकं सहित पारागन एकेडेमी (क) सान्त्वना र क्रमश भक्तपुर साकोस, विद्यार्थी निकेतन मा.वि. र चण्डेश्वरी अजिमा साकोस सहभागी भएका थिए ।
७ पुस, भक्तपुर । सिद्धि गणेश बचत तथा ऋण सहकारी संस्था लि. को भक्तपुर महोत्सव स्थल व्यवस्थापन तथा साँस्कृतिक प्रर्दशनी समितिको आयोजनामा भक्तपुर महोत्सव–२०८१ मा संस्थाको तर्फबाट बस्तु तथा सेवाहरु र नृत्य प्रर्दशन गरी सहयोग गर्नुहुने सदस्य एवं सदस्य परिवारहरुका लागि हार्दिक धन्यवाद ज्ञापन कार्यक्रम सिद्धि गणेश तालिम हल, खचाँमा सम्पन्न भयो ।
कार्यक्रममा संस्थाका कार्यवाहक अध्यक्ष विष्णु राम दुमरुले सदस्यहरुबाट उत्पादित बस्तुहरुको उचित बजारको कमी भएको औल्याउँदै सहकारी संस्थाहरुले सदस्यहरुको उत्पादन खरिद गरी सहकारी मेलाहरुको आयोजना गरे सदस्यहरुको उत्पादनले उचित बजार पाउने र समाजमा रोजगारीकोे श्रृजना हुने बताउनुभयो । उहाँले बजारमा पत्रु खनाको बृद्धि भएको अवस्थामा सहकारी संस्थाले सदस्यहरुलाई आफै खाद्यान उत्पादन गर्न प्रोत्साहन गरी स्वस्थकर खाद्यानको उत्पादन बढाउनुपर्नेमा जोड दिनुभयो ।
उहाँले हाल सहकारी संस्थाहरु आर्थिक कारोवारमा मात्र सिमित रहेको प्रति चिन्ता व्यक्त गर्नुहुँदै सिद्धि गणेश साकोसले समुदाय एवं सदस्यहरुको हितका लागि नियमित सिपमूलक, क्षमता अभिबृद्धि तथा रोजगारीमूलक तालिमको अयोजना गर्दै आएको बताउनुभयो । कार्यवाहक अध्यक्ष दुमरुले संस्थाले सामाजिक सेवा गर्नुपर्ने भवनाले सिद्धि गणेश क्लिनिक मार्फत सम्पूर्ण समुदायलाई विशेषज्ञ डाक्टरहरुबाट स्वास्थ्य परामर्श प्रदान गर्दै आएको जानकारी दिनुभयो ।
उहाँले युवाहरु वैदेशिक रोजगारीका लागि विदेशीनाले वित्तीय संस्थाहरुको लगानी कम भई संस्थामा रकम थुपारिदै गएको र युवाहरु उद्यमी बन्नबाट टाढिदै गएकोमा चिन्ता व्यक्त गर्नुभयो ।
कार्यक्रममा समितिका सदस्य एवं संस्थाका सञ्चालक सदस्य तुल्सीदास दुमरुले स्वस्थ जीवन नै सुखी जीवन हो भन्नहुँदै संस्थाले सिद्धि गणेश क्लिनिक मार्फत सुलभ मुल्यमा सदस्यहरुलाई विभिन्न स्वास्थ्य सेवाहरु प्रदान गर्दै आएको बताउनुभयो ।
कार्यक्रमका सभापति संस्थाका सञ्चालक सदस्य रत्नश्वरी चवालले सदस्यहरुको साथ र विश्वस बिना भक्तपुर महोत्सवमा संस्थाबाट बस्तु, सेवा तथा नृत्य प्रर्दशनी गर्न नसकिने बताउँदै संस्थालाई प्रत्यक्ष एवं अप्रत्यक्ष रुपमा सहयोग गर्नुहुने सम्पूर्णमा धन्यवाद व्यक्त गर्नुभयो । उहाँले कुनै पनि काम ठुलो र सानो नहुने भन्नुहुँदै आफुले जानेको कामलाई निरन्तरता दिए पक्कै सफल बन्न सकिने धारण व्यक्त गर्नुभयो ।
कार्यक्रममा समितिका सदस्य एवं सञ्चालक सदस्य सपना कवां र संस्थाका निमित्त व्यवस्थापक चन्द्र प्रसाद दुमरुले पनि बोल्नुभएको थियो ।
सिद्धि गणेशको साधारणसभा क्षेत्र नं ३ र ४
भक्तपुर । सिद्धि गणेश सहकारी संस्था लिमिटेड चोर्चा भक्तपुर क्षेत्र नं ३ र ४ को ३० औ वार्षिक साधारणसभा स्टार बैक्वेट कमलविनायक भक्तपुरमा शुक्रबार सम्पन्न भयो ।
साधारणसभाको उदघाटन गर्दै नेपाल मजदुर किसान पार्टीका केन्द्रिय सचिव एवं संघीय साँंसद प्रेम सुवालले सहकारी संस्था कृषि र घरेलु उद्योगलाई उकास्ने हेतुले स्थापना भएको हुनुपर्ने बताउनुभयो । त्यसैले बचतकर्ताहरुले ब्याजको लोभमा नभई जथाभावी सहकारीमा बचत नगर्न सांसद सुवाल सुझाब दिनुभयो । साथै पछिल्लो समय भागेका सहकारी संस्थाका संचालकहरुको व्यक्तिगत सम्पत्ति बेचेर पनि बचतकर्ताको रकम फिर्ता गर्नुपर्ने उहाँंले बताउनुभयो ।
सिद्धि गणेश साकोसजस्ता राम्रा संस्थाहरुले बचतकर्ताहरुका बालबालिकालाई अंग्रजी, विज्ञान, गणित तथा नेपालीका एकदम वरिष्ठ शिक्षक ल्याएर पढाउन सके अझ राम्रो हुने सांसद सुवालले बताउनुभयो । सानैदेखि बालबालिकालाई राम्रो शिक्षा दिनसकेमा विदेशिनु नपर्ने उहाले बताउनुभयो । साथै दशैमा सन्तुलित खानपान गर्न उहाँंले सचेत पार्नुभयो ।
साधारणसभामा नेपाल मजदुर किसान पार्टीका केन्द्रिय सदस्य एवं बागमती प्रदेशका सांसद सृजना सैंजूले सहकारी संस्थाहरुले आदर निकेतन स्थापना गर्नुपर्ने बताउँनुभयो । अहिले घरका महिलाहरुले बाहिर गएर जागिर गर्नुपर्ने भएकाले आदर निकेतन अहिलेको आवश्यकता भएको उहाँंले बताउनुभयो । उहाहरुले घरमा आमाबुवाको हेरचाह गर्न जागिर छोड्नुपर्ने अवस्था छ, उहाँंले भन्नुभयो, त्यसैले महिला दिदीबहिनीहरुको जागिर पनि नछुतोस र आमाबुवाले पनि राम्रो हेरचाह पाउने आदर निकेतनको आवश्यकता रहेको हो ।
एहाले अहिले हाम्रो देशमा पनि केही वर्षमा नै बृद्धवृद्धाहरु मात्र रहने अवस्था आउनसक्ने बताउनुभयो । अहिले दैनिक ७ हजार हाराहारीमा युवाहरु विदेशीने गरको तथ्यांक पेश गर्दै उहाँले खासगरी यो राज्यले सोच्नुपर्ने विषय रहेको तर राज्यले वेवास्ताले गरेको हामीले सोच्नेपर्ने भएको बताउनुभयो ।
बाढापहिरोका कारण १८ खर्वको क्षति भएको उहाँ बताउँछ । यसको मुख्य कारण अबैधानिक रुपमा क्रसर चलाएकोले भएको उहाँले बताउँनुभयो ।
भक्तपुर नगरपालिका वडा नम्बर १० का वडाअध्यक्ष लक्ष्मीप्रसाद ह्रयौमिखामाले सहकारीको साधारण सभामा उपस्थिति भत्ता लिनको लागि मात्र नभई संस्थाको कार्यक्रममा सहभागी भएर संस्थाको बारेमा बझ्नुपर्ने बताउनुभयो । कुनै पनि सहकारी संस्थामा बचत गर्नुअघि संस्थाको संचालन समितिको बारेमा राम्ररी बुझन्पर्ने उहाँले बताउँनुभयो । उच्च व्याजको प्रलोभनमा जभाभावी बचत गर्न नहुने उहाँले बताउनुभयो ।
मित्र संस्थाको तर्फबाट लसकुस साकोसका अध्यक्ष रोशन मैंया सुवालले बचतकर्ताहरुले लाभांश र व्याज कति भन्ने भन्दा पनि संस्थाको अवस्था कस्तो छ भन्ने विषयमा ध्यानाकर्षण गर्नुपर्ने बताउँनुभयो । किनभने कतिपय संस्थाहरु बचत गर्नलाई नभई लुट्नको लागि विकास स्थापना हुने उहाँले बताउँनुभयो ।
सिद्धि गणेश साकोसका पूर्व अध्यक्ष एवं सञ्चालक सदस्य हरिरत्न गोर्खालीले सिद्धि गणेश साकोस समाजिक एवंम राम्रो ठाउँमा लगानी भएकोले हाम्रो सहकारी नडुब्ने दाबी गर्नुभएको छ । अहिले जति पनि सहकारी डुबेका छन् तिनीहरु सहकारीको अनियमितताको कारण डुबेको उहाँले बताउँनुभयो । सहकारीको बारे केही सुझाव दिन उहाँले अनुरोध गनुभयो ।
संस्थाका उपाध्यक्ष विष्णु राम दुमरुको सभापतित्वमा भएको उक्त कार्यक्रम सञ्चालन संस्थाका सञ्चालक सदस्य राधेश्याम सैंजुले गर्नुभएको थियो ।
सिद्धि गणेशको साधारणसभा क्षेत्र नं ५ र ६
भक्तपुर । सिद्धि गणेश सहकारी संस्था लिमिटेड चोर्चा भक्तपुरको ३० औ साधारणसभा (क्षेत्रगत) क्षेत्र नं ५ र ६ को साधारणसभा महेश्वरी वैक्वेट थुसाचा भक्तपुरमा शुक्रबार सम्पन्न भयो । साधारणसभाको उदघाटन गर्दै नेपाल मजदुर किसान पार्टीका केन्द्रिय सदस्य एवं वागमती प्रदेशका सांसद सुरेन्द्रराज गोसाईले सहकारी संस्था सदस्यहरुले पनि सहकारीमा भएको वदमासीको विरोध गर्नुपर्ने बताउनुभयो । सहकारी संस्थामा भएको वेथिति हामी सहकारीकर्मी भएकैले विरोध गर्नु हुँंदैन भन्ने मानसिकता गलत भएको उहाँंले बताउनुभयो ।
उहाँंले दुई तिहाईको सरकार वाढीपहिरोले नांंगिएको बताउनुभयो । दुई तिहाईको सरकारले वाढीपहिरोमा तीन सय भन्दा वढी नेपाली जनताको अनाहकमा ज्यान गए पनि केही गर्न नसकेको उहाँंले बताउनुभयो । उहाँंले जनताको जिउ धनको सुरक्षा लिने गृहमन्त्री ग्वाज्य (लाटो) जस्तै भएको बताउनुभयो । गृहमन्त्री नामले लेखक भए पनि व्यवहारमा वाढीपहिरोमा केही गर्न नसक्ने निरीह भएको बताउनुभयो ।
कार्यक्रममा भक्तपुर नगरपालिका वडा नं ८ का वडा अध्यक्ष कृष्णप्रसाद कोजूले भक्तपुरमा पनि सहकारी संस्थाहरुमा समस्या देखिन थालेको भन्दै चिन्ता व्यक्त गर्नुभयो । उहाँंले सहकारी ठगहरुमा कांग्रेस, एमाले र माओवादी पार्टीका नेता तथा कार्यकर्ताहरु नै रहेको बताउनुभयो ।
नेपाल मजदुर किसान पार्टी भक्तपुर नगरपालिका वडा नं ७ का अध्यक्ष एवं पूर्व वडा अध्यक्ष कृष्णगोविन्द खाइजूले सहकारी निम्न वर्गको जनताका लागि हुनुपर्ने बताउनुभयो । सिद्धि कृषि सहकारी संस्थाका अध्यक्ष पुण्यराम दुमरुले अहिलेका सरकारहरु किसानलाई चाहिने रासायनिक मलसम्म दिन नसक्ने निक्कमा सरकार भएको बताउनुभयो । कार्यक्रममा संस्थापक अध्यक्ष राजेन्द्र दुमरु, मित्र संस्थाकोतर्फबाट युवा साकोसका प्रकाश वास्तोलाले शुभकामना व्यक्त गर्नुभयो ।
साधारणसभामा संस्थामा सदस्यहरुका एसइई र दस जोड दुई कक्षामा उत्कृष्ट अक प्राप्त गर्न सफल १२ जना विद्यार्थीहरुलाई प्रशंशापत्र वितरण गरिएको थियो । यसअघि कार्यक्रमको उदघाटन प्रमुख अतिथि नेमकिपाका सदस्य एवं बागमती प्रदेश सांसद सुरेन्द्रराज गोसाईले पानसमा दियो बालेर गर्नुभएको थियो । संस्थाका अध्यक्ष रुद्र नारायण लाखाको सभापतित्वमा भएको उक्त कार्यक्रममा स्वागत सञ्चालक सदस्य राजन लाखाजु तथा सञ्चालन संस्थाका व्यवस्थापक शिला गोसाईले गर्नुभएको थियो ।
सिद्धि गणेश साधारणसभा क्षेत्र नं. १ र २
भक्तपुर नगरपालिकाका प्रमुख सुनिल प्रजापतिले सहकारी संस्था भनेको गरिब जनताका असल मित्र हुनुपर्ने बताउनुभएको छ । सहकारी संस्थाहरुले जनताको जीवनस्तर उठाउन महत्वपूर्ण भूमिका खेल्न सकिने उहाँले बताउनुभयो ।
सिद्धि गणेश बचत तथा ऋण सहकारी संस्था लि. को ३० औं वार्षिक साधारणसभा (क्षेत्र नं. १ र २ को संयुक्त क्षेत्रगत) को शुक्रबार उद्घाटन गर्नुहुँदै प्रमुख प्रजापतिले सहकारी संस्थाहरुले आर्थिक गतिविधिको साथै सदस्यहरूको लागि विभिन्न सीपमूलक तालिमहरू, सरसफाइ गतिविधिहरू र युवाहरूको सक्रियता बढाउन रचनात्मक गतिविधि गर्नु पनि आवश्यक भएको बताउनुभयो ।
प्रमुख प्रजापतिले भक्तपुर नपाले सुरुदेखि नै बहुउद्देश्यीय सहकारी संस्थाहरु सञ्चालनमा रोक लगाउँदै आएको बताउ“दै उहाँले जनता सचेत भए संस्थाका सञ्चालकहरु सचेत र सतर्क रहने धारणा राख्नुभयो ।
भक्तपुर नपाले यहाँ सञ्चालित सहकारी संस्थाहरुमा नियमित अनुगमन गर्दै आएको बताउँदै उहाँले सहकारीका सञ्चालकहरुमा इमानदारिता र आर्थिक अनुशासन अपरिहार्य भएको बताउनुभयो ।
सार्वजनिक एवम् सरकारी जग्गा संरक्षण गर्नु स्थानीय तहको कर्तव्य भएको बताउँदै उहाँले भक्तपुर नपाले सार्वजनिक जग्गा संरक्षणकै क्रममा सल्लाघारीस्थित १०८ रोपनी जग्गालाई संरक्षण र व्यवस्थापन गर्दै आइरहेको बताउनुभयो ।
भक्तपुरको आजको विकासमा धेरै अग्रजहरुको उल्लेखनीय भूमिका रहेको बताउँदै उहाँले शिक्षामा गरेको लगानीको प्रतिफलस्वरुप आज भक्तपुर ज्ञानविज्ञानको केन्द्र बन्न सफल भएको बताउनुभयो ।
कोभिड महामारीको संकटमा भक्तपुरका संघ संस्थाहरुले गरेको सहयोगको लागि भक्तपुर नपाको तर्फबाट आभार प्रकट गर्दै प्रमुख प्रजापतिले नगरबासी जनतालाई भक्तपुर नपाले निःशुल्क अक्सिजन र रगत उपलब्ध गराइ जनताको सेवा दिँदै आएको बताउनुभयो ।
साकोसका पूर्व अध्यक्ष कृष्णगोविन्द लाखाजुले सहकारी संस्थाहरुले साधारणसभा सञ्चालन गर्नुको उद्देश्यबारे प्रष्ट पार्दै २०५१ सालमा ३१ जनाको समूहले स्थापना भएको सिद्धिगणेश साकोसमा हाल १६ हजार भन्दा बढी सदस्यहरु भएको बताउनुभयो ।
साकोसले सदस्य वृद्धिसँगसँगै सामाजिक क्षेत्रमा उल्लेखनीय कार्यहरु जस्तै स्वास्थ्य केन्द्र, तालिम हल, स्वास्थ्य शिविर आदि सञ्चालन गर्दै व्यापक जनताको हित हुने गतिविधिलाई निरन्तरता दिँदै आएको बताउनुभयो ।
भक्तपुर नपा वडा नं. ३ का वडाध्यक्ष राजकृष्ण गोराले साधारणसभालाई उपस्थिति भत्ता र खाजा खर्च लिने दिनको रुपमा नभई सहकारीको आर्थिक अवस्थाबारे सदस्यहरुलाई जानकार गराउने उद्देश्यले सञ्चालन हुन जरुरी रहेको बताउनुभयो । भक्तपुर नपाले बजार अनुगमन गर्दै अखाद्य र म्याद नाघेका वस्तुहरुलाई नष्ट गर्दै सरोकारवालाहरुलाई आवश्यकताअनुसार दण्डजरिवानाहरु पनि गर्दै आइरहेको बताउनुभयो ।
कार्यक्रममा जिल्ला बचत संघका कोषाध्यक्ष कान्छाभक्त घजुले सहकारी क्षेत्रबाट भएका राम्रा र उदाहरणीय कार्यहरुको प्रचार कम मात्र हुने गरेको बताउँदै सहकारीमा जम्मा भएको रकम विना धितो सदस्यहरुलाई ऋण प्रवाह गर्दा सहकारी संस्थाहरु संकटग्रस्त हुने गरेको बताउनुभयो ।
सिद्धि गणेश साकोसका सचिव विष्णुप्रसाद दुमरुको सभापतित्वमा सम्पन्न उक्त कार्यक्रममा छिमेकी संस्थाहरु लोकोश्वर बचत तथा ऋण सहकारी संस्थाका राजन जति, टोखास्थित मिर्मिरे साकोसका सचिव शैलेश डंगोलले सहकारी संस्थाहरुप्रति वितृष्ण फैलिएको समयमा भक्तपुरका समुदायमा आधारित सहकारी संस्थाहरुले उल्लेखनीय कार्यहरु गर्दै आएको र समाजवादी अवधारणाअनुसार सहकारी संस्थाहरु सञ्चालन हुनु जरुरी रहेको बताउनुभयो ।
उक्त कार्यक्रममा नगर प्रमुख प्रजापतिले असल बचतकर्ता र असल ऋणीलाई प्रमाणपत्र वितरण गर्नुभएको थियो ।
संस्थाका सचिव बिष्णु प्रसाद दुमरुको सभापतित्वमा भएको उक्त कार्यक्रममा स्वागत सञ्चालक सदस्य कृष्ण गोविन्द लाखाजु तथा सञ्चालन संस्थाका सञ्चालक सदस्य रमेश दुमरुले गर्नुभएको थियो ।